1/2022 FORU LEGEA, urtarrilaren 26koa, Zenbait Fundazioren Zuzendaritza Organoak arautzen dituen otsailaren 17ko 2/2014 Foru Legea aldatzen duena.
| Sección | I. Nafarroako Foru Komunitatea |
21. ALDIZKARIA - 2022kourtarrilaren31 1. NAFARROAKO FORU KOMUNITATEA 1.1. XEDAPEN OROKORRAK 1.1.1. Foru legeak eta legegintzako foru dekretuak 1/2022 FORU LEGEA, urtarrilaren 26koa, Zenbait Fundazioren Zuzendaritza Organoak arautzen dituen otsailaren 17ko 2/2014 Foru Legea aldatzen duena. NAFARROAKO FORU KOMUNITATEKO LEHENDAKARIA NAIZEN HONEK.
Aditzera ematen dut Nafarroako Parlamentuak onetsi duela honako:
FORU LEGEA, ZENBAIT FUNDAZIOREN ZUZENDARITZA ORGANOAK ARAUTZEN DITUEN OTSAILAREN 17KO 2/2014 FORU LEGEA ALDATZEN DUENA.
HITZAURREA
Foru lege honen xedea da Zenbait Fundazioren Zuzendaritza Organoak arautzen dituen otsailaren 17ko 2/2014 Foru Legeak ezarritakoa aldatzea, Nafarroako Foru Zuzenbidearen babesean eratutako fundazioen gain Nafarroako Foru Komunitateak duen eskumen esklusiboa oinarri.
Aipatu foru legearen xedeak eta edukiak beren indarrari eusten diote Nafarroako aurrezki kutxetatik sortutako fundazioek banku entitate izateari utzi eta gero bil lezaketen izaera bereziarengatik, horrek ez baitu justifikatzen halakoak fundazio arrunt gisa arautzea, ez beren osotasunean behintzat; dena den, haiek ordezko gisa aplikatzen jarraituko da foru lege honetan jaso ez diren gaietarako.
Argitaratu zenetik igaro den denbora eta egindako arau-aldaketak kontuan hartuta, ordea, beharrezkotzat jotzen da hura egungo errealitate juridiko eta sozialera egokitzea.
Horregatik, honako aldaketa hau egin behar zaio, egokitu behar delako apirilaren 4ko 21/2019 Foru Legeak Foru Berrian egindako aldaketara, Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legera, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legera eta Nafarroako Fundazioei buruzko ekainaren 30eko 13/2021 Foru Legera.
1. artikulua. Zenbait Fundazioren Zuzendaritza Organoak arautzen dituen otsailaren 17ko 2/2014 Foru Legea aldatzea.
Aldaketa hauek egiten zaizkio Zenbait Fundazioren Zuzendaritza Organoak arautzen dituen otsailaren 17ko 2/2014 Foru Legeari:
Bat.–Beste testu bat ematen zaio atarikoari, eta honela gelditzen da:
“Foru lege honen xedea da otsailaren 17ko 2/2014 Foru Legea aldatzea; lege horrek aurrezki kutxen eraldaketatik sortutako fundazioen zuzendaritza organoak arautzen ditu.
Nafarroako Foru Zuzenbide Zibilaren Konpilazioa edo Foru Berria aldatu eta eguneratzen duen apirilaren 4ko 21/2019 Foru Legea onetsi ondoren funtsean aldatu da fundazioen araubide juridikoa, eta horrek eragin du Nafarroako Fundazioei buruzko ekainaren 30eko 13/2021 Foru Legea onestea, zeinak lehendik dagoen araudia Foru Berriari egokitzen dion eta Foru Berriaren 42. legearen babesean eratutako fundazio guztiei aplikatu beharreko araudi substantiboa biltzen duen.
Araudi berria gorabehera, 2/2014 Foru Legeak bere indarrari eusten dio, aurrezki kutxen eraldaketatik sortutako fundazioek izaera berezia dutelako.
Nafarroako kasuan, Nafarroako Kutxa Fundazioa Nafarroako Kutxaren oinordekoa da. Azken horrek nortasun propiodun kreditu erakundea izateari utzi zion bere finantza-negozioa Banca Cívica banketxeari eskualdatzean –gero Caixabankek xurgatuko zuen– eta banku fundazio bilakatu zen Nafarroako Kutxaren ongintza- eta gizarte-ekintzaren muina izandakoa kudeatzeaz arduratzeko, Kreditu Erakundeak Berregituratzeari eta Suntsiarazteari buruzko azaroaren 14ko 9/2012 Legea aplikatuta.
Caixabank SAk Bankia SA xurgatu eta biek bat egin izana Valentziako Merkataritza Erregistroan inskribatzearen ondorioz, 2021eko martxoaren 26az geroztik Nafarroako Kutxa Fundazioak jada ez ditu betetzen aurrezki kutxei eta banku fundazioei buruzko araudiak banku fundazioa izateko eskatzen dituen baldintzak. Beraz, fundazio arrunt bilakatu behar da.
Kontuan izanda Nafarroako Kutxa Fundazioaren jatorria eta haren ezaugarri berezia, justifikatuta dago fundazio horiek bestelako araubidea izatea, parte-hartze eta kontrol publiko zabalagoarekin eta gardentasun-arauei lotua. Horregatik guztiagatik, bidezkoa da Zenbait Fundazioren Zuzendaritza Organoak arautzen dituen otsailaren 17ko 2/2014 Foru Legea aldatzea egungo errealitate juridiko eta sozialera egokitzeko”.
Bi.–Beste testu bat ematen zaio 3. artikuluari, eta honela gelditzen da:
“3. artikulua. Patronatuaren osaera.
1. Patronatua honako hauek osatuko dute, patronatukide gisa:
-
Bost kide Nafarroako Parlamentuko Osoko Bilkurak hautatuak. Foru parlamentari bakoitzak hiru hautagai bozkatu ahalko ditu, gehienez ere.
-
Nafarroako Gobernuak...
Para continuar leyendo
Solicita tu prueba