150/2011 FORU AGINDUA, irailaren 16koa, Ekonomia eta Ogasuneko kontseilariak emana, abenduaren 21eko 218/2009 Foru Agindua aldatzen duena. Foru agindu horren bidez, autolikidazioaren araubidea zenbait negozio juridikoren likidazio eta ordainketarako prozedura gisa ezarri zen, oinordekotzen eta dohaintzen gaineko zergaren esparruan.
| Sección | I. Nafarroako Foru Komunitatea |
Ekonomia eta Ogasuneko kontseilariaren abenduaren 21eko 218/2009 Foru Aginduaren bidez, autolikidazioaren araubidea zenbait negozio juridikoren likidazio eta ordainketarako prozedura gisa ezarri zen, betiere borondatezkoa, oinordekotzen eta dohaintzen gaineko zergaren esparruan, bulego likidatzaileetan sartzen diren agiriak arinago bideratzeko. Une honetan zergaren kasu guzti-guztietarako autolikidazioaren araubidea ezartzea ezinezkoa da.
Bestalde, urtarrilaren 26ko 16/2004 Foru Dekretuaren bidez onetsitako Zergaren Erregelamenduaren 33. artikuluak baimena ematen dio Ekonomia eta Ogasuneko kontseilariari autolikidazioaren araubidea nahitaezkoa duten kasu eta eragiketak arautzeko.
218/2009 Foru Agindua egiazki aplikatu zenetik igarotako denborak erakusten du agindu horretan araututako prozedura likidatzailearen izaera aldatzea komeni dela orain eta, hala, nahitaezko deklaratzea, aipatu agindua hein batean aldatuz.
Horrenbestez,
AGINDU DUT:
Artikulu bakarra.- Abenduaren 21eko 218/2009 Foru Agindua aldatzea. Foru agindu horren bidez, autolikidazioaren araubidea zenbait negozio juridikoren likidazio eta ordainketarako prozedura gisa ezarri zen, oinordekotzen eta dohaintzen gaineko zergaren esparruan.
Abenduaren 21eko 218/2009 Foru Aginduaren 1. artikuluak jarraian ageri den edukia izanen du. Horren bidez, autolikidazioaren araubidea zenbait negozio juridikoren likidazio eta ordainketarako prozedura gisa ezarri zen, oinordekotzen eta dohaintzen gaineko zergaren esparruan. Hona hemen:
"1. artikulua. Autolikidazioaren araubidea zenbait negozio juridikoren likidazio eta ordainketarako prozedura gisa ezartzea oinordekotzen eta dohaintzen gaineko zergaren esparruan.
-
Foru agindu honetan araututako autolikidazioaren araubidea nahitaez aplikatuko da artikulu honen 2. idatz-zatian aipatzen diren negozio juridikoetan.
-
Araubide hau izanen duten egintza eta negozio juridikoak bizien arteko doako negozio juridikoak dira. Horrelakotzat honako hauek hartuko dira, besteak beste:
-
Ondasun eta eskubideak dohaintzaren bidez edo bizien arteko doako beste edozein negozioren bidez eskuratzea.
-
Bizi-aseguruen onuradunek diru kopuruak jasotzea, aseguratuak bizirauten duen kasuetan, betiere onuraduna kontratatzailea bera ez bada.
-
Banakako aseguru kontratuetatik datozen diru kopuruak jasotzea, aseguratua hiltzen den kasuetan, aseguratua kontratu-egilea ez bada.
-
...
-
Para continuar leyendo
Solicita tu prueba