AAP Pontevedra 115/2020, 6 de Marzo de 2020
Ponente | JOSE JUAN RAMON BARREIRO PRADO |
ECLI | ES:APPO:2020:479A |
Número de Recurso | 141/2020 |
Procedimiento | Recurso de apelación. Auto |
Número de Resolución | 115/2020 |
Fecha de Resolución | 6 de Marzo de 2020 |
Emisor | Audiencia Provincial - Pontevedra, Sección 2ª |
AUD.PROVINCIAL SECCION N. 2
PONTEVEDRA
AUTO: 00115/2020
- ROSALIA DE CASTRO NÚM. 5
Teléfono: 986.80.51.19
Correo electrónico:
Equipo/usuario: MM
Modelo: 662000
N.I.G.: 36006 41 2 2015 0000291
ROLO: RT APELACION AUTOS 0000141 /2020 I
Xulgado procedencia: XDO.1A.INST.E INSTRUCIÓN N.4 de CAMBADOS
Procedemento de orixen: DILIGENCIAS PREVIAS PROC. ABREVIADO 0000116 /2015
Delito: LESIONES
Recorrente: Evelio, Ezequiel, Darío, MINISTERIO FISCAL
Procurador/a: SILVIA FREIRE FERNANDEZ, SILVIA FREIRE FERNANDEZ, SILVIA FREIRE FERNANDEZ,
Abogado/a: ANTONIO MOSTEIRO DURAN, ANTONIO MOSTEIRO DURAN, ANTONIO MOSTEIRO DURAN,
Recurrido: Germán, Epifanio, Gines
Procurador/a: JESUS MARTINEZ MELON, JOAQUIN GABRIEL SANTOS CONDE
Abogado/a: FELIPE PRADO ALVAREZ, JOSE ANGEL CASADO IRUELA, MARIA NANCY SOAGE GOLDAR
AUTO Nº 115
MAXISTRADOS/AS
Ilmo. Sr. don José Juan Ramón Barreiro Prado, presidente
Ilma. Sra. dona Rosario Cimadevila Cea
Ilmo. Sr. don Juan José Trashorras García
Pontevedra, a seis de marzo de dous mil vinte.
FEITOS
Na causa arriba mencionada o Xulgado de 1ª Instancia e Instrución núm. 4 de Cambados ditou un auto con data do 6 de setembro de 2019 no que repútase delito leve o feito que deu orixen ás presentes dilixencias previas.
Contra o dito auto a representación de Evelio, Ezequiel, Darío formulou recurso de apelación, e, admitido a trámite, remitíronse as actuacións a este Tribunal para a súa resolución.
Expón o parecer da Sala o maxistrado relator don José Juan Barreiro Prado.
FUNDAMENTOS DE DEREITO
Por un auto do 6 de setembro de 2019, a xuíza do Xulgado de Instrución número 4 de Cambados acomodou as dilixencias ás propias dun xuízo por delitos leves. Contra esta resolución recorreron directamente en apelación perante esta alzada Evelio e Darío por considerar que as lesións son constitutivas non dun delito leve de lesións, como se acordou, senón dun delito de lesións. Germán, Epifanio e Gines opuxéronse ao devandito recurso de apelación. E o fiscal adheriuse a el.
Nesta mesma causa, este Tribunal pronunciou un auto do 18 de novembro de 2015. Daquela dixemos:
Sempre que se actúa medicamente sobre o corpo do paciente de forma agresiva, como ocorre cando se abre, corta, extrae ou se sutura, é dicir, sempre que a curación se persegue mediante a intervención directa na súa anatomía, existe tratamento cirúrxico (por todas, a recente STS, Penal, Sección 1ª, do 26 de xuño de 2015 -ROJ: STS 3247/2015 - ECLI:ES:TS:2015:3247-). Se o achegamento dos bordos dunha ferida para favorecer a soldadura dos tecidos é unha operación susceptible de realizarse nun só acto, o que cura realmente é a permanencia da sutura exercendo esa acción ao longo de certo tempo, de xeito que a intervención facultativa mantén a súa actividade terapéutica durante todo ese período, en que a lesión resulta tratada cirurxicamente, aínda cando se deba falar de cirurxía menor. E este criterio de proxección da actividade terapéutica durante a permanencia das grampas -aínda no suposto de que non requiran ser retiradas ulteriormente- ou das tiras de aproximación, confirma a existencia de tratamento alén da primeira asistencia, moi especialmente cando, ademais de procurar a soldadura dos tecidos, tratan de minimizar a cicatriz ( ATS, Penal, Sección 1ª, do 16 de abril de 2015 -ROJ: ATS 4440/2015 - ECLI:ES:TS:2015:4440 A-).
No caso do lesionado Evelio, segundo o informe de sanidade da médica forense, o tratamento que se lle dispensou foi o de limpeza e sutura da ferida da pel con tres puntos soltos 5/0, sutura da ferida estrelada na cara interna do beizo, zona mucosa con puntos reabsorbibles, profilaxe antibiótica, analxesia e curas da ferida con retirada dos referidos puntos da pel aos cinco días, coa secuela dunha cicatriz paralela á comisura bucal do lado esquerdo de 1 cm, dificilmente visible a máis dun metro de distancia. E que dúbida cabe que, en principio, semella que si existiu tratamento médico cirúrxico para os efectos da posible consideración dos feitos como delituosos a teor do artigo 147 do Código penal, á marxe e sen prexuízo do que poida resultar das dilixencias de investigación solicitadas polas partes, como realizou o fiscal no seu escrito de impugnación do recurso de apelación.
Verbo do lesionado Darío,...
Para continuar leyendo
Solicita tu prueba