STSJ Galicia 367/2014, 18 de Junio de 2014
Ponente | FERNANDO FERNANDEZ LEICEAGA |
ECLI | ES:TSJGAL:2014:6470 |
Número de Recurso | 15027/2014 |
Procedimiento | RECURSO DE APELACIóN |
Número de Resolución | 367/2014 |
Fecha de Resolución | 18 de Junio de 2014 |
Emisor | Sala de lo Contencioso |
T.S.X.GALICIA CON/AD SEC.4
A CORUÑA
SENTENCIA: 00367/2014
- N56820
PLAZA GALICIA S/N
N.I.G: 15030 45 3 2013 0000946
Procedimiento: RECURSO DE APELACION 0015027 /2014
Sobre: ADMINISTRACION TRIBUTARIA Y FINANCIERA
De D./ña. FUNDACION PEDRO BARRIE DE LA MAZA, CONDE DE FENOSA
Representación D./Dª. LUIS FERNANDEZ-AYALA MARTINEZ
Contra D./Dª. CONCELLO DE A CORUÑA (A CORUÑA)
Representación D./Dª. LETRADO DE LOS SERVICIOS JURÍDICOS DEL AYUNTAMIENTO DE A CORUÑA
RELATOR: D. FERNANDO FERNÁNDEZ LEICEAGA
NO NOME DE EL-REI
A Sección 004 da Sala do Contencioso-Administrativo do Tribunal Superior de Xustiza de Galicia pronunciou a
SENTENZA
Ilmos./as. Sres./as. D./Dª
JOSE MARIA GOMEZ E DIAZ CASTROVERDE-PTE
JUAN SELLES FERREIRO
FERNANDO FERNÁNDEZ LEICEAGA
DOLORES RIVERA FRADE
A CORUÑA, dezaoito de xuño de dous mil catorce.
No recurso de APELACION que, co número 15027/2014, pende de resolución ante esta Sala, presentado pola FUNDACION PEDRO BARRIE DE LA MAZA, representado polo procurador Dº Fernández Ayala e, dirixido polo letrado Sr. De Juan Peñalosa, contra a sentenza de 11.03.2014 do Xulgado do contencioso núm.2 da Coruña . É parte demandada o CONCELLO DA CORUÑA, representada e e asistido do letrado dos seus servizos xurídicos.
É relator o Ilmo. Sr. D. FERNANDO FERNÁNDEZ LEICEAGA. ANTECEDENTES DE FEITO
O 11.03.2014 o Xulgado do contencioso núm.2 da Coruña ditou unha sentenza que rexeitaba o recurso contencioso contra as liquidacións do IBI anos 2011/2012 relativas a varios inmobles propiedade da FUNDACIÓN.
A FUNDACION un recurso de apelación solicitando a súa revogación.
Conferido traslado á parte demandada, solicitouse a desestimación do recurso, de conformidade cos feitos e fundamentos de dereito consignados na contestación.
Na sustanciación do recurso observáronse as prescricións legais, sendo a súa contía 173.514,50 EUROS.
FUNDAMENTOS XURIDICOS
Non se aceptan os da sentenza de instancia.
O xulgador de instancia rexeitou o recurso contencioso ó entender que a exención do IBI para as fundacións que prevé o artigo 15.1 Lei 49/2002, en concreto, o requisito de NON ESTAR AFECTOS A EXPLOTACIÓNS ECONÓMICAS NON EXENTAS DO IMPOSTO DE SOCIEDADES non se cumpre cando a explotación económica do ben realízase co aluguer do mesmo a unha entidade bancaria.
O recorrente, con cita de xurisprudenza e doutrina da DXT, alega que o arredamento do patrimonio da Fundación non é unha explotación económica - art. 3.3 Lei 49/2002 -, polo que é indiferente a actividade que desenvolve o arrendatario.
O Concello mantén que a sentenza é correcta- as exencións deben ser obxecto de interpretación restrictiva - e que, en todo caso, non procedería a anulación das liquidacións ó falarmos dunha exención rogada.
Verbo da 1ª cuestión suscitada polo letrado do Concello e da que se fai eco a sentenza que se recorre, o artigo 14 Lei 58/2003 o que prohíbe é extender mais aló dos seus termos estrictos o ámbito das exencións, cousa distinta á coma deban interpretarse os termos da exención; cuestión que debe rexerse polo artigo 12 do indicado texto legal e, en consecuencia, aplicando os termos do artigo 1.3 CCivil; cos criterios que establece este artigo debemos fixa-la interpretación correcta do artigo 15 Lei 49/2002 que establece:
1. Estarán exentos do Imposto sobre Bens Inmobles os bens dos que sexan titulares, nos termos previstos na normativa reguladora das Facendas Locais, as entidades sen fins lucrativos, agás os afectos a explotacións económicas non exentas do Imposto sobre Sociedades.
2. ...3....
4. A aplicación das exencións previstas neste artigo estará condicionada a que as entidades sen fins lucrativos comuniquen ao concello correspondente o exercicio da opción regulada no apartado 1 do artigo anterior e ao cumprimento dos requisitos e supostos relativos ao réxime fiscal especial regulado neste Título.
5. O disposto neste artigo entenderase sen prexuízo das exencións previstas na Lei 39/1988, do 28 de decembro, reguladora das Facendas Locais.
En concreto o extremo debatido é coma debe interpretarse a afectación a explotacións económicas, dado que o Concello ( e a sentenza obxecto de recurso ) entenden que o selo IBI un tributo real, quen debe cumpri-la condición é o inmoble e non o suxeito pasivo, é dicir, que se a FUNDACIÓN aluga o inmoble a un particular que desenvolve nel unha explotación económica, aínda que as rendas estean exentas do
I.Sociedades, deberá satisface-lo IBI; outra intepretación resulta da sentenza do TSX Cataluña e da resolución da DXT que cita o recorrente.
A STSX Cataluña 396/2013 recolle : O art.º 58.1 da Lei 30/1994 dispoñía que: "Sen prexuízo das exencións actualmente previstas na Lei 39/1988, do 28 de decembro, Reguladora das Facendas Locais, gozarán de exención no Imposto sobre Bens Inmobles os bens dos que sexan titulares, nos termos previstos no artigo 65 da devandita Lei, as fundacións e asociacións que cumpran os requisitos establecidos no Capítulo I do presente Título sempre que non se trate de bens cedidos a terceiros mediante contraprestación, estean afectos ás actividades que constitúan o seu obxecto social ou finalidade específica e non se utilicen principalmente no desenvolvemento de explotacións económicas que non constitúan o seu obxecto ou finalidade específica ". Polo tanto, co réxime legal anterior, excluíase a exención en tres importantes casos: a) bens cedidos a terceiros mediante contraprestación; b) bens non afectos ás actividades que constitúan o seu obxecto social ou finalidade específica; e c) bens que non se utilicen principalmente no desenvolvemento de explotacións económicas que non constitúan o seu obxecto ou finalidade específica.
- A exención prevista na Lei 49/2002 é moito máis ampla, ao dispoñer o seu art.º 15.1 que: "Estarán exentos do Imposto sobre Bens Inmobles os bens dos que sexan titulares, nos termos previstos na normativa reguladora das Facendas Locais, as entidades sen fins lucrativos, agás os afectos a explotacións económicas non exentas do Imposto sobre Sociedades ". En consecuencia, co réxime actual, aplicable no presente caso, unicamente se exclúen da exención os bens afectos a explotacións económicas non exentas do Imposto sobre Sociedades. En particular, desapareceu a excepción relativa aos bens cedidos a terceiros mediante contraprestación, de maneira que a exención alcanza aos bens arrendados.
Ademais, a Lei 49/2002 sinala no parágrafo segundo do requisito 3. º do artigo 3 que: "Para os efectos desta Lei, considérase que as entidades sen fins lucrativos desenvolven unha explotación económica cando realicen a ordenación por conta propia de medios de produción e de recursos humanos, ou dun de ambos os dous, coa finalidade de intervir na produción ou distribución de bens ou servizos. O arrendamento do patrimonio inmobiliario da entidade non constitúe, para estes efectos, explotación económica ". Esta previsión legal é, como se destacou doctrinalmente, unha das grandes innovacións contidas na Lei 49/2002, con importantes efectos prácticos.
Considérase pola Lei, en efecto, que o arrendamento do patrimonio inmobiliario da entidade non constitúe, para estes efectos, explotación económica, fronte á regra contida no artigo 25.2 da Lei 40/1998, do Imposto sobre a Renda das Persoas Físicas, o cal considera como actividade económica o arrendamento de bens inmobles cando se conte cun local e cunha persoa contratada a tempo completo. Por iso, con independencia da concorrencia dos requisitos do devandito art.º 25.2 da Lei 40/1998, segundo a Lei 49/2002 o arrendamento do patrimonio inmobiliario da entidade nunca constitúe, para estes efectos, explotación económica, cóntese ou non cos citados local e persoa contratada a tempo completo.
Como consecuencia diso, ás rendas obtidas polo arrendamento do patrimonio inmobiliario non lle serán aplicables os límites da Lei 49/2002 relativos ao 40 por 100 e á competencia desleal, debendo entenderse por tal patrimonio inmobiliario todos os bens inmobles dos que a entidade sexa titular, tanto os afectos á actividade coma os non afectos, ao tratarse da tradución dos bens dotacionales a diñeiro.
3. Interpretación do art.º 15.1 Lei 49/2002
A resolución da cuestión controvertida virá condicionado pola interpretación que se dea ao inciso do art.º 15.1 da Lei 49/2002, cando exceptúa da exención do IBI « os [bens] afectos a explotacións económicas non exentas do Imposto sobre Sociedades ».
O tenor literal do precepto propiciou a inicial interpretación seguida polo estudo do Consell Tributari Municipal de Barcelona de data 29 de xuño de 2004, no sentido de que a afectación a explotacións económicas non exentas do IS se refire tanto á entidade sen ánimo de lucro coma a calquera dos arrendatarios do inmoble.
Pola contra, senllas Consultas vinculantes da Dirección Xeral de Tributos seguen o criterio oposto:
-- A Consulta núm. V1940-05, de data 29 de setembro de 2005, referida, como «FEITOS» a «Fundación privada acollida á Lei 49/2002 que non desenvolve explotación económica ningunha, e que é suxeito pasivo do Imposto sobre Bens Inmobles por ser titular de inmobles obxecto de arrendamento» e como «CUESTIÓNFORMULADA», «Desexa saber se ten dereito á exención do apartado 1 do artigo 15 da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado, aínda que o arrendatario afecte o inmoble a...
Para continuar leyendo
Solicita tu prueba-
SJCA nº 1 167/2018, 18 de Octubre de 2018, de Santander
...sujeto pasivo. Así lo deduce de la EM de la Ley 16/2012 y doctrina jurisprudencial que cita, STS 10-12-2015 rec. 3568/2014 y STSJ de Galicia de 18-6-2014. En apoyo de su postura argumenta que el arrendamiento no es una actividad económica, sino que en la LIRPF y su reglamento tributa como r......
-
SJCA nº 1 146/2021, 28 de Junio de 2021, de Santander
...realice por cuenta propia una actividad económica no exenta del impuesto sobre sociedades ." Y es al que recoge la también citada STSJ de Galicia de 18-6-2014, se refiere al mismo precepto Con esto, es claro que deben anularse los recibos girados a bienes aun arrendados. E incluso, en el s......
-
STS, 10 de Diciembre de 2015
...la Sección Cuarta de la Sala de lo Contencioso-Administrativo del Tribunal Superior de Justicia de Galicia, en el recurso de apelación núm. 15027/2014 , presentado por la Fundación Pedro Barrié de la Maza contra la sentencia de 11 de marzo de 2014 del Juzgado de lo contencioso-administrativ......