36/2022 FORU AGINDUA, uztailaren 4koa, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, esku-hartze orokorreko proiektu bat onesten duena Lizarrako 4 jabeen erkidegotarako (esp.: PIG 49).
| Sección | I. Nafarroako Foru Komunitatea |
150. ALDIZKARIA - 2022ko uztailaren 28a 1. NAFARROAKO FORU KOMUNITATEA 1.3. LURRALDEAREN ANTOLAMENDUA ETA HIRIGINTZA 36/2022 FORU AGINDUA, uztailaren 4koa, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, esku-hartze orokorreko proiektu bat onesten duena Lizarrako 4 jabeen erkidegotarako (esp.: PIG 49). Irailaren 18ko 61/2013 Foru Dekretuak, Nafarroan etxebizitzaren arloko jarduketa babesgarriak arautzen dituenak, VI. kapituluko 4. atalean, esku-hartze orokorreko proiektuak arautzen ditu, bizitegi multzoak berroneratzeko xedea dutenak.
Proiektu horien helburua da hiri finkatuko atari, etxe-sail edo eremu batzuk birgaitzea, modu koordinatuan eta aurretik programatuta, eta horrela atari bakar baten esparrua gainditzea. Horrekin bilatzen da eskalako ekonomiak lortzea, bai ikuspuntu ekonomikotik (lizitazio bateratuak egiteko aukera, kudeaketa gastu txikiagoak), bai administratibotik (espediente bateratuak aurkezteko aukera, tramitazio azkarragoa), eta, aldi berean, eraikuntzako eta arkitekturako konponbide homogeneoagoak eskaini ahal izatea (tratamenduari, kalitateari eta akaberei dagokienez) hiri-bilbean harreman estua duten etxe-sail edo eremuetan.
Aurrekoarekin bat etorriz, Lizarran esku-hartze orokorreko proiektu bat onesteko eskatu da. Guztira 32 etxebizitza dira, eta honako 4 atari hauek hartzen ditu:
–San Jose plazako 2, 3, 4 eta 5 zenbakiak.
Multzo arkitektonikoa bi bloke linealek osatzen dute, plaza egituratzen dutenak, non lau atari eta 32 etxebizitza dauden. Bi blokeak B+3 gisakoak dira, eta solairu guztiek bizitegi-erabilera dute: bi etxebizitza solairu bakoitzeko. Eraikinak 1968an eraikin ziren, eta multzo arkitektoniko homogeneo bat osatzen dute, tipologia eta eraikuntza-sistema bera baitute.
Fatxadek eta estalkiek ez dute isolamendu termikorik. Atarietako bakar batek ere ez du irisgarritasuna konponduta, eta batek ere ez du igogailurik.
Jarduketa honen bidez, inguratzaile termikoa hobetuko da, eta eraikinak irisgarritasun unibertsalari buruzko berariazko araudira egokituko dira. Espedientean Etxebizitza Zerbitzuaren eta Lizarrako Udalaren txostenak jaso dira, non adierazten baita espedientea aztertu dela eta zuzen dagoela: betetzat jotzen dira herritarren parte-hartzearen betebeharra eta Lizarrako Udalaren parte-hartzearen betebeharra, eta proposatutako konponbide teknikoa birgaitzearen arloko jarduketa babesgarri gisa kalifika daiteke...
Para continuar leyendo
Solicita tu prueba