DECRETO 110/2013, do 4 de xullo, polo que se establece a estrutura orgánica da Consellería de Economía e Industria.
| Sección | I. Disposicións Xerais |
| Emisor | CONSELLERÍA DE ECONOMÍA E INDUSTRIA |
| Rango de Ley | Decreto |
O Decreto 227/2012, do 2 de decembro (DOG nº 230, do 3 de decembro), polo que se establece a estrutura orgánica da Xunta de Galicia, e 235/2012, do día 5 do mesmo mes (DOG nº 233, do 7 de decembro) estableceron, respectivamente, a estrutura orgánica da Xunta de Galicia e dos departamentos desta, estruturándoa nas secretarías xerais técnicas, direccións xerais ou órganos de igual categoría necesarios para o cumprimento dos fins que a nova estrutura comporta e adscribíndolles os organismos autónomos ou entes públicos pertinentes.
O artigo 4 do segundo decreto citado fixou a estrutura orgánica básica da Consellería de Economía e Industria. Para os efectos de establecer o marco xurídico-administrativo en que a dita consellería debe desenvolver os seus obxectivos, procede agora establecer a nova estrutura ata o nivel de xefatura de servizo distribuíndo as funcións asignadas dun modo racional para así conferirlle a máxima eficacia no seu exercicio.
A estrutura orgánica que aproba este decreto, asentada en criterios de austeridade e economía, está amparada pola competencia exclusiva que os artigos 148.1º.1 da Constitución española e 27.1º do Estatuto de autonomía de Galicia atribúen á Comunidade Autónoma galega para organizar as súas institucións de goberno e atende aos principios de eficacia, xerarquía, descentralización, desconcentración e coordinación que, de conformidade co disposto no artigo 103.1º do texto fundamental, deben presidir a actuación administrativa.
En consecuencia, por proposta do conselleiro de Economía e Industria, no exercicio da facultade outorgada polo artigo 34.4º da Lei 1/1983, do 22 de febreiro, de normas reguladoras da Xunta e da súa Presidencia, cos informes preceptivos da Consellería de Facenda e da Asesoría Xurídica Xeral e logo de deliberación do Consello da Xunta de Galicia na súa reunión do día catro de xullo de dous mil trece,
DISPOÑO:
TÍTULO IÁmbito competencial e organización xeral da Consellería
A Consellería de Economía e Industria é o órgano superior da Administración xeral da Comunidade Autónoma de Galicia ao cal lle corresponde o exercicio das competencias e funcións nos ámbitos da promoción e dinamización da economía, investigación, desenvolvemento e innovación, industria, seguridade industrial, metroloxía, metais preciosos, enerxía, minas e recursos minerais, artesanía, comercio interior e exterior, consumo, así como a planificación, en colaboración coa consellería competente en materia de vivenda e solo, das infraestruturas dos servizos empresariais do solo industrial, de acordo co establecido na Constitución española e no Estatuto de autonomía de Galicia.
O exercicio das competencias realizarase sen prexuízo das que teñan atribuídas outras institucións, entidades ou departamentos da Xunta de Galicia nas mesmas materias, mediante o establecemento dos mecanismos de coordinación que, para estes efectos, resulten oportunos.
-
Para o desempeño das súas funcións, a Consellería de Economía e Industria estrutúrase nos seguintes órganos superiores e de dirección:
1) O/A conselleiro/conselleira.
2) A Secretaría Xeral Técnica.
3) A Dirección Xeral de Comercio.
4) A Dirección Xeral de Enerxía e Minas.
5) As xefaturas territoriais.
-
Quedan adscritos a esta consellería:
1) A Axencia Galega de Innovación.
2) O organismo autónomo Instituto Galego de Consumo.
3) O ente público Instituto Galego de Promoción Económica.
4) O ente público Instituto Enerxético de Galicia.
TÍTULO IIÓrganos centrais
CAPÍTULO IO/A conselleiro/conselleira
O/A conselleiro/conselleira é a superior autoridade da Consellería e con tal carácter está investido das atribucións que lle confire o artigo 34 da Lei 1/1983, do 22 de febreiro, de normas reguladoras da Xunta e da súa Presidencia.
CAPÍTULO IIA Secretaría Xeral Técnica
Baixo a superior dirección da persoa titular da Consellería, consonte o artigo 29 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, a Secretaría Xeral Técnica exercerá as competencias e funcións nel establecidas, así como aqueloutras que lle sexan delegadas ou encomendadas polo conselleiro/conselleira e as restantes que lle atribúa o ordenamento xurídico, entre elas as seguintes:
-
O asesoramento e coordinación de todos os servizos da Consellería.
-
A emisión dos informes e a realización dos estudos técnicos e xurídicos que se lle soliciten en relación cos asuntos de que coñezan a consellería ou as entidades públicas instrumentais adscritas a ela.
-
A remisión dos asuntos que deban someterse ao Consello da Xunta de Galicia ou ás súas comisións delegadas.
-
O seguimento da tramitación e rexistro dos convenios, acordos, protocolos e declaracións de intencións subscritos no ámbito competencial da Consellería.
-
A representación da Consellería nos órganos colexiados que exerzan funcións relacionadas coas súas competencias.
-
A substitución temporal das persoas titulares das direccións xerais da Consellería nos supostos de vacante, ausencia ou enfermidade.
A Secretaría Xeral Técnica estrutúrase, para o exercicio das súas funcións e baixo a superior dirección do/da conselleiro/conselleira, nas seguintes unidades:
1) Vicesecretaría Xeral.
-
Servizo de Persoal e Asuntos Xerais.
-
Servizo de Contratación.
-
Servizo de Xestión Económica e Orzamentaria.
2) Servizo Técnico-Xurídico.
3) Asesoría Xurídica da Consellería.
4) Intervención Delegada.
-
Baixo a inmediata dependencia xerárquica da persoa titular da Secretaría Xeral Técnica, sen prexuízo das funcións establecidas no artigo 32 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, a Vicesecretaría Xeral terá atribuídas as seguintes funcións específicas:
-
O estudo, preparación e informe dos asuntos que se eleven ao Consello da Xunta de Galicia.
-
A asistencia á persoa titular da Secretaría Xeral Técnica para o estudo e preparación das reunións da Comisión de Secretarios/as Xerais Técnicos/as.
-
A coordinación e xestión dos servizos de carácter xeral, as publicacións e a estatística.
-
A coordinación, para a súa remisión e correspondente publicación no Diario Oficial de Galicia, ou en calquera outro diario oficial, das disposicións e actos administrativos ditados polos distintos órganos da Consellería.
-
O desempeño das funcións que teña encomendadas a Consellería en relación coas fundacións de interese galego sobre as cales exerza o protectorado.
-
A xestión dos asuntos relacionados co persoal da Consellería, así como o seguimento e control do rexistro de persoal, sen prexuízo das atribucións que correspondan aos órganos da Consellería competente en materia de función pública.
-
A elaboración e tramitación do anteproxecto de orzamento da Consellería, o control, seguimento e coordinación da execución económica e mais a tramitación dos expedientes de modificacións orzamentarias, en coordinación cos órganos afectados.
-
A tramitación dos expedientes de contratación administrativa, sen prexuízo das competencias que correspondan a outros órganos.
-
A organización, coordinación e supervisión da xestión administrativa do patrimonio adscrito á Consellería, sen prexuízo das competencias que correspondan a outros órganos.
-
A organización, dirección e control do arquivo da Consellería.
-
A xestión dos investimentos, compras, subministracións e servizos da Consellería, sen prexuízo das competencias que correspondan a outros órganos.
-
A atención e coidado do réxime interno das dependencias da Consellería, así como a administración e conservación dos bens mobles e inmobles que ten adscritos.
-
O control, coordinación e execución dos proxectos de obra da Consellería.
-
A conservación e mantemento das dependencias e edificios adscritos a Consellería.
-
A supervisión e coordinación de todos os convenios subscritos pola Consellería, así como a súa remisión ao órgano encargado de realizar os trámites necesarios para o seu rexistro.
-
A substitución temporal da persoa titular da Secretaría Xeral Técnica no suposto de vacante, ausencia ou enfermidade agás a asistencia ás reunións da Comisión de Secretarios Xerais.
-
Aqueloutras funcións que lle encomende a persoa titular da Secretaría Xeral Técnica.
-
-
Da Vicesecretaría Xeral dependen as seguintes unidades administrativas con...
Para continuar leyendo
Solicita tu prueba