152E/2022 FORU AGINDUA, uztailaren 1ekoa, Landa Garapeneko eta Ingurumeneko kontseilariak emana, zeinaren bidez aldatzen baita ekainaren 16ko 222/2016 Foru Agindua, Landa Garapeneko, Ingurumeneko eta Toki Administrazioko kontseilariarena, sua lurzoru urbanizaezinean nola erabili arautzen duena, baso suteak prebenitzeko.
| Sección | I. Nafarroako Foru Komunitatea |
132. ALDIZKARIA - 2022ko uztailaren 4a - BEREZIA 1. NAFARROAKO FORU KOMUNITATEA 1.1. XEDAPEN OROKORRAK 1.1.3. Foru Aginduak 152E/2022 FORU AGINDUA, uztailaren 1ekoa, Landa Garapeneko eta Ingurumeneko kontseilariak emana, zeinaren bidez aldatzen baita ekainaren 16ko 222/2016 Foru Agindua, Landa Garapeneko, Ingurumeneko eta Toki Administrazioko kontseilariarena, sua lurzoru urbanizaezinean nola erabili arautzen duena, baso suteak prebenitzeko. Nafarroako Oihan Ondarea Babestu eta Garatzeari buruzko abenduaren 31ko 13/1990 Foru Legeak (otsailaren 21eko 3/2007 Foru Legeak aldatua) 37. artikuluan ezartzen duenez, Foru Komunitateko Administrazioaren eskumena da baso suteen prebentziorako eta suteen kontra borrokatzeko neurriak planifikatu, koordinatu eta betearaztea.
Agindu horrek, 4. puntuan, Baso Administrazioari ahalmena ematen dio mendietan eta mugakide diren eremuetan suterako arriskua eragin dezaketen jarduerak mugatzeko, eremu horietatik iragatea barne.
Arau esparrua hori delarik, landa eremuko jarduera sozioekonomikoak eta ingurumenaren babesa bateragarriak izan daitezen, 2014a baino lehenagotik urtero onetsi izan dira arau batzuk, sua kudeaketarako tresna gisa erabiltzea ahalbidetzen dutenak, batez ere Nafarroako iparraldean belaiak erretzeari dagokionez, zenbait baldintza betez gero. Halaber, salbuespenez, nekazaritza eta baso lurretan erreketak egitea baimendu da, hainbat faktore direla eta, besteak beste izurriak eta gaixotasunak agertzeagatik.
Era berean, uda garaian sute arriskua oso handia denez, sua erabiltzeko mugak ezarri dira urtero, tenperaturarik altuenak eta plubiometriarik baxuenak dituzten hilabeteetan.
Geroago, ekainaren 24ko 195/2014 Foru Aginduak arlo horren gaineko gai guztiak arau bakar batean bildu zituen, berariaz araututa ez zegoena argitzeko, segurtasun juridiko handiagoa emateko esku hartzen dutenei eta prozesuak bizkortzeko, betiere prebentzioaren ikuspuntutik, pertsonen segurtasunaren alde eta Nafarroako Foru Komunitatean baso lurrak mantentzearen alde.
Arau hori indargabetu zuen ekainaren 16ko 222/2016 Foru Aginduak, sua lurzoru urbanizaezinean nola erabili arautzen duenak, baso suteak prebenitzeko.
222/2016 Foru Agindua, berriz, uztailaren 4ko 237/2017 Foru Aginduak aldatu zuen, hobetu beharreko zenbait gauza zuzentzeko, besteak beste, epeak egokitzea, akatsak zuzentzea eta sinplifikazio administratiboa.
Araudi hori berriz aldatzea komeni da orain, behin aztertuta 2014az geroztik gertatutako baso suteen historikoa, haien arrazoiak eta larritasuna, bai eta baldintza meteorologikoekin eta sistemak horiek itzaltzeko duen gaitasunarekin duten lotura ere.
Azaldutakoarekin bat, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.g) artikuluak ematen dizkidan eskudantziak erabiliz,
AGINTZEN DUT:
Artikulu bakarra. Landa Garapeneko, Ingurumeneko eta Toki Administrazioko kontseilariak ekainaren 16an eman 222/2016 Foru Agindua aldatzea, sua lurzoru urbanizaezinean nola erabili arautzen duena, baso suteak prebenitzeko.
Bat.–10. artikuluko 5. apartatua aldatzen da. Hona testu berria:
“5. Lurzoru urbanizaezinean makinak eta ekipoak erabiltzean, bete beharko dira artikulu honen bigarren apartatuan mendiko pistetatik zirkulatzen duten ibilgailu motordunentzat eskatzen diren baldintzak. Gainera, makina astunak erabiltzen badira (bulldozerra, atzerako hondeamakinak, motonibelagailuak, skidderra, basoko prozesagailuak eta autokargatzaileak, sasiak garbitzeko makinak, uzta biltzeko makinak, paketatzeko makinak eta xehagailuak), makina bakoitzak bi itzaltze-motxila izan beharko ditu, gutxienez 15na litroko edukiera izanen dutenak, bai eta hasierako suari ekitea ahalbidetuko duten eskuzko erremintak ere (sua jotzekoak, palak, etab.).
Lurzoru urbanizaezinean motorra duen edozein tresna hartuko da basoko makina edo tresnatzat, zein den ere potentzia.”
Bi.–10. artikuluari 6., 7., 8. eta 9. apartatuak gehitzen zaizkio. Hona hemen:
“6. Debekatuta dago artikulu honen 5. apartatuan deskribatutako makineria astuna erabiltzea eguzkia sartu eta bi ordu igarotzen direnetik egunsentira arte.
7. Behin lastoa jasota eta bilduta hiriguneekin eta 10 ha-tik gorako zuhaitz-masa jarraituekin mugakide diren nekazaritza-lurzatietan, gutxienez 8 metroko zabalera izanen duten suebakien zerrendak egin beharko dira lurra landuz, lurzatiaren mugaketaren kanpoko lerroraino.
8. Meteorologiaren Estatu Agentziak meteoalerta ezartzen duenean muturreko tenperatura maximoengatik (abisu-mailak: laranja edo gorria), debekatuta dago artikulu honetako 5. apartatuan deskribatutako makineria astuna erabiltzea meteoalertaren eskualdean. Eskualdeak foru agindu honen 4. eranskinean daude mugatuta. Debeku hori 00:00etatik 23:59ra bitartean aplikatuko da meteoalertaren egun guztietan. Meteoalerta hedabideetan eta Meteorologiaren Estatu Agentziaren ohiko kanaletan argitaratuko da, eta, gainera, nekazaritzako erakundeei abisatuko zaie.
9. Meteorologiaren Estatu Agentziak meteoalerta ezartzen duenean muturreko tenperatura maximoengatik (abisu-mailak: laranja edo gorria), baldintza batzuk bete beharko dira lan hauek egiteko meteoalertaren eskualdean (foru agindu honen 4. eranskinaren arabera mugatuta daude eskualdeak): basoko sasiak garbitzea, zuhaitzak baso-prozesagailuaren bidez moztea, neguko belarki-labore estentsiboak uztatzea eta paketatzea lehorreko nekazaritza-lurzatietan, eta neguko belarki-labore estentsiboak uztatzea eta paketatzea ureztalurreko nekazaritza-lurzatietan, 10...
Para continuar leyendo
Solicita tu prueba