13/2022 FORU LEGEA, maiatzaren 12koa, guztira 4.761.112 euroko kreditu berezi bat ematekoa, finantzatze aldera Nafarroako Gobernuko zenbait departamenturen beharrizanak eta Ukrainako gerraren ondorio ekonomikoek ukitutako Nafarroako Foru Komunitateko udal eta kontzejuenak.
| Sección | I. Nafarroako Foru Komunitatea |
103. ALDIZKARIA - 2022ko maiatzaren 26a 1. NAFARROAKO FORU KOMUNITATEA 1.1. XEDAPEN OROKORRAK 1.1.1. Foru legeak eta legegintzako foru dekretuak 13/2022 FORU LEGEA, maiatzaren 12koa, guztira 4.761.112 euroko kreditu berezi bat ematekoa, finantzatze aldera Nafarroako Gobernuko zenbait departamenturen beharrizanak eta Ukrainako gerraren ondorio ekonomikoek ukitutako Nafarroako Foru Komunitateko udal eta kontzejuenak. NAFARROAKO FORU KOMUNITATEKO LEHENDAKARIA NAIZEN HONEK.
Aditzera ematen dut Nafarroako Parlamentuak onetsi duela honako:
FORU LEGEA, GUZTIRA 4.761.112 EUROKO KREDITU BEREZI BAT EMATEKOA, FINANTZATZE ALDERA NAFARROAKO GOBERNUKO ZENBAIT DEPARTAMENTUREN BEHARRIZANAK ETA UKRAINAKO GERRAREN ONDORIO EKONOMIKOEK UKITUTAKO NAFARROAKO FORU KOMUNITATEKO UDAL ETA KONTZEJUENAK.
HITZAURREA
Lurralde Kohesiorako Departamentuak, Lurralde Antolamenduko, Etxebizitzako, Paisaiako eta Proiektu Estrategikoetako Departamentuak, Landa Garapeneko eta Ingurumeneko Departamentuak eta Migrazio Politiketako eta Justiziako Departamentuak zenbait txosten bidali dituzte, non adierazten baitute 2022an ordaindu beharreko zenbait gastutarako ez dagoela aurrekontu-partida egokirik.
Nafarroako Ogasun Publikoari buruzko apirilaren 4ko 13/2007 Foru Legearen 48. artikuluaren lehen paragrafoak ezartzen du ezen, hurrengo ekitaldira arte berandutu ezin den gasturen bat aurrekontu indardunaren kargura egin behar bada horretarako krediturik egon gabe, Nafarroako Gobernuak, Ekonomia eta Ogasuneko kontseilariak proposaturik, foru lege proiektu bat bidaliko diola Nafarroako Parlamentuari, kreditu berezi bat ematekoa. Orobat, bigarren paragrafoan xedatzen du kreditu berezia edozein gastu programatako beste kreditu erabilgarri batzuekin finantzatzen ahal dela, are Parlamentuak zuzenketen edo foru lege honen xedapenen ondorioz onetsitako kreditu zehatzetatik datozenekin.
Halaber, Nafarroako toki entitateei laguntzeko berariazko neurriak ere ezarri beharra dago, bereziki kalteturik suertatu direnez gero energia-horniduren eta, batik bat, gas eta argindarraren prezioen gorakadatik eratorritako krisia dela-eta.
Energiaren kostua da gastu-zio nagusietako bat, ondasun arrunt eta zerbitzuetako gastuen %13,5 inguru egiten duenez. Toki Sektore Publikoari buruzko 2019ko txostenaren arabera, 32 milioi eurotik hurbil dago.
Udalerri eta kontzejuek egiten duten eskumen-egikaritzeak argindar-kontsumo handia egiten du, bai eta erregai fosilena ere, gehienbat hezkuntza, kirol, kultura eta hirugarren adinekoen alorretako udal instalazioen funtzionamendura, argiztatze publikora eta gainerako eraikin publikoetara bideratuta.
Horregatik, foru lege honen bitartez transferentzia arrunten funts berezi bat sortzen da, 4.200.000 eurokoa, baldintzagabea eta ez-finalista, eta horren onuradun Nafarroako udalerri eta kontzeju guztiak izanen dira, Ukrainako gerrak toki-aurrekontuetan izan duen inpaktua samurtzea xede.
Toki-entitateek Nafarroako Tributuetan Parte Hartzeko Funtsari egina den ekarpen berezi bat da, Nafarroako Toki Ogasunei buruzko martxoaren 10eko 2/1995 Foru Legearen 123. artikuluaren 10. apartatuaren abaroan jokaturik, bertan espresuki adierazten baita arau horrek eraentzen duen Nafarroako tributuetako parte-hartzea ulertzen dela ezertan galarazi gabe Funtsari egin lekizkiokeen beste ekarpen batzuk, edo Nafarroako toki-entitateek Foru Komunitateko administrazioarengandik edo beste administrazio publiko batzuengandik jaso lezaketen finantzaketa gehigarria.
Funtsari egiten zaion ekarpen gehigarri hori, 123. artikuluak berak xedatu bezala, ez da kontuan hartuko hurrengo ekitaldietako Transferentzia Arrunten Funtsaren eta Kapital-transferentzien Funtsaren zenbatekoen gehikuntzak kalkulatzeko, aipatu arauko 3. eta 5. apartatuetan antolatuta daudenak, hurrenez hurren.
1. artikulua. Kreditu berezi bat ematea.
2022rako aurrekontuan guztira 561.112 euroko kreditu berezia ematen da, Nafarroako Gobernuko departamentu batzuen premiak finantzatzeko.
Kreditu hori aurrekontu-partida hauei aplikatuko zaie:
| AURREKONTU-PARTIDA | ZENBATEKOA |
| 330000 33100 7609 921127 Hitzarmena Hiriberri Artzibarko Kontzejuarekin, kontzeju-etxea birgaitzeko | 80.000,00 |
| 210001 21300 7609 261673 Lekunberriko zeharbidea | 80.000,00 |
| 210001 21300 7609 261674 Eskola bidea, Erronkariko Udala | 25.000,00 |
| 210001 21300 7609 261675 Hitzarmena Castejongo Udalarekin, kaleak asfaltatzeko | 35.112,00 |
| 210001 21300 7609 261676 Obrak Gamioko Bordako bidean (Ziga), Baztango udal-mugartean | 24.000,00 |
| 210001 21300 7609 261677 Kaleak asfaltatzea Zozaian, Baztango udal-mugartean | 20.000,00 |
| 210001 21300 7609 261678 Transferentzia Lizarrako Udalari, Txantona pasabidearen proiektua idazteko | 20.000,00 |
| 210001 21100 4609 922102 Hitzarmena Zangozako Udalarekin, Elizaren immatrikulazioa dela-eta egindako erreklamazio judizialaren gastuak finantzatzeko | 25.000,00 |
| 710006 71500 7819 414403 Transferentzia Arga-Aragoiko ureztatzaileen elkarteari (Azkoien), Caracol ibaia lehengoratzeko | 130.000,00 |
| 720003 72200 4819 413103 Hitzarmena Ekoalde elkartearekin. Ekoizpen sektore ekologikoa egituratzea, hornikuntza zabaltzeko talde handientzako sukaldaritza zerbitzuetara | 110.000,00 |
| 080001 08200 4819 232207 Hitzarmena FESTA-Los de Bronce elkartearekin | 12.000,00 |
| GUZTIRA | 561.112,00 |
561.112 euroko kreditu berezi hori honako partida hauetan erabilgarri dagoen kredituaren kontura finantzatuko da:
| AURREKONTU-PARTIDA | ZENBATEKOA |
| 210001 21300 7609 261672 (E) Transferentzia Artziko Udalari, Hiriberri Artzibarko kontzeju-etxea birgaitzeko | 20.000,00 |
| 330000 33100 7609 921113 Lurralde garapen jasangarriko proiektuak Itoitzen. Hitzarmena Longida, Artzi, Agoitz eta Orotz-Beteluko udalekin | 60.000,00 |
| 220002 22100 6010 453206 Sare lokala | 105.000,00 |
| 220002 22200 7609 261600 Hitzarmena Castejongo Udalarekin, kaleak asfaltatzeko | 35.112,00 |
| 220002 22200 7609 261602 Obrak Gamioko Bordako bidean (Ziga), Baztango udal-mugartean | 24.000,00 |
| 220002 22200 7609 261603 Kaleak asfaltatzea Zozaian, Baztango udal-mugartean | 20.000,00 |
| 220001 22300 7609 453200 Transferentzia Lizarrako Udalari, Txantona pasabidearen proiektua idazteko | 20.000,00 |
| F20000 F2100 4609 111200 (E) Hitzarmena Zangozako Udalarekin, immatrikulazioren gaineko erreklamazioetarako | 25.000,00 |
| 710006 71500 7609 414403 (E) Transferentzia Azkoiengo Udalari, Caracol ibaia lehengoratzeko | 130.000,00 |
| 710000 71200 4819 412100 (E) Hitzarmena Ekoalde elkartearekin. Ekoizpen sektore ekologikoa egituratzea, hornikuntza zabaltzeko talde handientzako sukaldaritza zerbitzuetara | 110.000,00 |
| 080001 08200 4819 232206 (E) Hitzarmena Del Bronce elkartearekin | 12.000,00 |
| GUZTIRA | 561.112,00 |
1. Transferentzia arrunten Funts berezi bat sortzen da, 4.200.000 eurokoa, Ukrainako gerrak Nafarroako toki-entitateei 2022ko ekitaldian ekarritako ondorio ekonomikoak samurtzeko.
2. Aipatu Funtsa hornitzeko kreditu berezi bat ematen da 2022ko aurrekontuan, 4.200.000 eurokoa, “Funts berezia, Ukrainako gerrak toki-aurrekontuetan izandako inpakturako” izeneko 211001-21200-4600-942109 aurrekontu-partidari aplikatzekoa.
3. Kreditu berezi hori, aipatu 4.200.000 euroko zenbatekoan, finantzatuko da “Toki Ogasunen Partaidetza Funtsari atxikitako diruzaintza-gerakina” izeneko 113002-12100-8700-000003 aurrekontu-partidaren kargura.
4. Aipatu funts berezia, baldintzagabea eta ez-finalista, izaeraz Toki-entitateek Nafarroako Tributuetan Parte hartzeko Funtsari eginiko ekarpena izanen da, Nafarroako Toki Ogasunei buruzko martxoaren 10eko 2/1995 Foru Legeko 123.10 artikuluak xedatuari jarraikiz.
5. Funts berezi hori udalen eta kontzejuen artean banatuko da haien populazioek foru lege honen indarraldia hasten den datan dituzten kopuru ofizialen proportzioan, honako irizpideak aintzat hartuta:
-
Lehenik eta behin, kontzejuen arteko banaketa eginen da, I. Taulan adierazitako tarte hauen arabera:
| I. TAULA | |
| KONTZEJUAREN BIZTANLERIA-TARTEA | ZENBATEKOA |
| 99, gehienez | 2.730 euro |
| 100 eta 249 bitartean | 4.290 euro |
| 250 eta 499 bitartean | 5.850 euro |
| 500 eta 999 bitartean | 7.410 euro |
| 1.000 edo gehiago | 9.750 euro |
| II. TAULA | ||
| UDALAREN BIZTANLERIA-TARTEA | UDALERRI BAKUNAREN ZENBATEKOA | UDALERRI KONPOSATUAREN ZENBATEKOA |
| 99, gehienez | 3.900 euro | 2.340 euro |
| 100 eta 499 bitartean | 6.630 euro | 5.070 euro |
| 500 eta 999 bitartean | 8.580 euro | 6.240 euro |
| 1.000 eta 1.999 bitartean | 12.480 euro | 9.360 euro |
| 2.000 eta 2.999 bitartean | 14.820 euro | 10.920 euro |
| 3.000 eta 4.999 bitartean | 18.720 euro | 14.040 euro |
| 5.000 eta 9.999 bitartean | 23.400 euro | 17.160 euro |
| 10.000 eta 29.999 bitartean | 35.100 euro | 28.860 euro |
| 30.000 eta 199.999 bitartean | 66.300 euro | - |
| 200.000 edo gehiago | 202.800 euro | - |
6. Toki Administrazioaren eta Despopulazioaren Zuzendaritza Nagusiaren Ebazpen bidez ordainduko dira udalerri eta kontzeju bakoitzak jaso beharreko zenbatekoak, foru lege honen eranskineko zerrendari jarraituz eta aurreko apartatuek xedatua aplikatuz.
Azken xedapen bakarra.–Indarra hartzea.
Foru lege honek Nafarroako Aldizkari Ofizialean argitaratu eta biharamunean hartuko du indarra.
Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta “Estatuko Aldizkari Ofizialera” igor dadila agintzen dut eta herritar eta agintariei bete eta betearaz dezatela manatzen diet.
Iruñean, 2022ko maiatzaren 12an.–Nafarroako Foru Komunitateko lehendakaria, María Chivite Navascués.
ERAN...
Para continuar leyendo
Solicita tu prueba