172/2013 FORU AGINDUA, maiatzaren 27koa, Landa Garapeneko, Ingurumeneko eta Toki Administrazioko kontseilariak emana, ondoko zerrendako izangaiei Nafarroako toki entitateetan idazkari aritzeko gaikuntza ematen diena eta funtzionario izendatzen dituena esleitutako lanpostuan funtzio publikoak bete ditzan.
| Sección | I. Nafarroako Foru Komunitatea |
Lehendakaritzako, Administrazio Publikoetako eta Barneko kontseilariak maiatzaren 11n emandako 196/2012 Foru Aginduaren bidez, Nafarroako toki entitateetako idazkari lanpostuetan aritzeko Nafarroako Foru Komunitateko Administrazioak ematen duen gaikuntza lortzeko eta lanpostu horietan oposizio lehiaketa bidez sartzeko deialdia onetsi zen, eta 2012ko 93. Nafarroako Aldizkari Ofizialean, maiatzaren 17an, argitaratu.
Aipatu deialdiaren 10. oinarriak xedatzen du ezen, lanpostu hutsak esleitzeko prozedura bukaturik, epaimahai kalifikatzaileak onetsitako proposamenari jarraikiz eta izangaiek deialdiaren 8. oinarrian eskatzen diren betebeharrak betetzen dituztela egiaztaturik, Toki Administrazioaren arloan eskumena duen kontseilariak idazkari aritzeko gaikuntzak emanen dituela, lanpostu horretan aritzeko funtzionario izendatuko dituela izangaiak eta bakoitzari lehen aipatutako esleipen prozeduraren arabera dagokion lanpostua esleituko diola.
Aipatu deialdian eskainitako lanpostu hutsen esleipen prozedura bukaturik, 9. oinarrian ezarritakoari jarraikiz eta espedientearen dokumentazioan ageri denaren arabera, bidezko da betebehar guztiak betetzeagatik lanpostua esleitu zaien izangaiei gaikuntza ematea eta izendatzea. Ohartarazi beharra dago ezin zaiela gaikuntza eman hautapen-prozesuaren proba guztiak gainditu zituzten izangai guztiei. Bestetik, ezin dira esleitu deialdian eskainitako hiru lanpostu, ez baitago, probak gainditu dituzten izangaien artean, lanpostu horietan eskatzen den euskararen ezagutza duenik.
Orobat, hautapen-prozesuaren aurreikuspenetarako eraginkortasun administratiboa bilatu nahian, eta hautapen-prozesuaren xede izan diren toki entitateen funtzionamendu egokia lortzearren, gomendatzekoa da esleitutako lanpostu guztien jabetza aldi berean hartzea. Hortaz, Nafarroako Toki Administrazioari buruzko Foru Legearen 252. artikuluaren 1. puntuan ezarritakoari jarraikiz, bidezko da foru agindu honen bidez izendatzen diren guztiok jabetza hartzeko eguna finkatzea.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1 e) artikuluaren bidez eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen uztailaren 25eko 70/2012 Foru Dekretuaren bidez esleitu dizkidaten ahalmenak erabiliz,
AGINDU DUT:
-
Ondoko zerrendako izangaiei Nafarroako toki entitateetan idazkari aritzeko gaikuntza ematea, eta, haietako bakoitza funtzionario izendatzea foru...
Para continuar leyendo
Solicita tu prueba