195/2013 FORU AGINDUA, ekainaren 10ekoa, Landa Garapeneko, Ingurumeneko eta Toki Administrazioko kontseilariak emana, probak gainditu dituzten ondoko zerrendako izangaiei Nafarroako toki entitateetan B taldeko kontu-hartzaile aritzeko gaikuntza ematen diena eta funtzionario izendatzen dituena esleitutako lanpostuan funtzio publiko horiek bete ditzaten.
| Sección | I. Nafarroako Foru Komunitatea |
Lehendakaritzako, Administrazio Publikoetako eta Barneko kontseilariak maiatzaren 11n emandako 198/2012 Foru Aginduaren bidez, Nafarroako toki entitateetako B taldeko kontu-hartzaileen lanpostuetan aritzeko Nafarroako Foru Komunitateko Administrazioak ematen duen gaikuntza lortzeko eta lanpostu horietan oposizio-lehiaketa bidez sartzeko deialdia onetsi zen, 2012ko 93. Nafarroako Aldizkari Ofizialean, maiatzaren 17an, argitaratu zena.
Aipatu deialdiaren 10. oinarriak xedatzen du ezen, lanpostu hutsak esleitzeko prozedura bukaturik, epaimahai kalifikatzaileak onetsitako proposamenari jarraikiz eta izangaiek deialdiaren 8. oinarrian eskatzen diren betebeharrak betetzen dituztela egiaztaturik, Toki Administrazioaren arloan eskumena duen kontseilariak Nafarroako toki entitateetan B taldeko kontu-hartzaile aritzeko gaikuntzak emanen dituela, lanpostu horretan aritzeko funtzionario izendatuko dituela izangaiak eta bakoitzari lehen aipatutako esleipen prozeduraren arabera dagokion lanpostua esleituko diola.
Aipatu deialdian eskainitako lanpostu hutsen esleipen prozedura bukaturik, 9. oinarrian ezarritakoari jarraikiz eta espedientearen dokumentazioan ageri denaren arabera, bidezko da lanpostua esleitu zaien izangaiei gaikuntza ematea eta izendatzea.
Orobat, hautapen-prozesuaren aurreikuspenetarako eraginkortasun administratiboa bilatu nahian, eta hautapen-prozesuaren xede izan diren toki entitateen funtzionamendu egokia lortzearren, gomendatzekoa da esleitutako lanpostu guztien jabetza aldi berean hartzea. Hortaz, Nafarroako Toki Administrazioari buruzko Foru Legearen 252. artikuluaren 1. puntuan ezarritakoari jarraikiz, bidezko da foru agindu honen bidez izendatzen diren guztiek jabetza hartzeko eguna finkatzea.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1 e) artikuluaren bidez eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen uztailaren 25eko 70/2012 Foru Dekretuaren bidez esleitu dizkidaten ahalmenak erabiliz,
AGINDU DUT:
-
Probak gainditu dituzten ondoko zerrendako izangaiei Nafarroako toki entitateetan B taldeko kontu-hartzaile aritzeko gaikuntza ematea eta funtzionario izendatzea foru agindu honen eranskinean adierazitako moduan esleitutako lanpostuetan funtzio publiko horiek bete ditzaten.
-
Esleipen-hartzaileak zein lanpostutarako izendatu diren, haien jabetza hartu beharko dute 2013ko uztailaren 1ean.
-
Foru agindu hau...
Para continuar leyendo
Solicita tu prueba