2/2014 LEGEGINTZAKO FORU DEKRETUA, otsailaren 12koa, Tributu Harmonizazioari buruzkoa, Zerga Bereziei buruzko abenduaren 30eko 20/1992 Foru Legea aldatzen duena.
| Sección | I. Nafarroako Foru Komunitatea |
Estatuaren eta Nafarroako Foru Komunitatearen arteko Hitzarmen Ekonomikoaren 35.4. artikuluak ezartzen du ezen Foru Komunitateari dagozkion zerga bereziak ordainarazteko unean-unean Estatuko lurraldean indarra duten oinarrizko printzipio, funtsezko arau eta arau formal berak ibiliko dituela hark. Hala ere, Nafarroako Foru Komunitateko Administrazioak aitorpena egin eta dirua pagatzeko ereduak onesten ahalko ditu, gutxienez ere araubide erkideko lurraldeko datu berak jasoko dituztenak, eta likidazioaldi bakoitzerako pagatzeko epeak finkatzen ahalko ditu, Estatuko Administrazioak ezartzen dituenetatik sobera bereiziko ez direnak.
Bestetik, Nafarroako Gobernuari eta Lehendakariari buruzko abenduaren 3ko 14/2004 Foru Legeak, 54.1 artikuluan, Nafarroako Gobernuaren araugintzarako ahalmena erregulatzean ezartzen duenez, tributu-araubide erkidearen aldaketa batek behartzen badu, Hitzarmen Ekonomikoan ezarritakoarekin bat, Estatuan indarra duten arau funtsezko eta formazko berberak Foru Komunitatean aplikatzera, Nafarroako Gobernuak tributu arloko foru legeak aldatzeko behar diren foru lege mailako arauak eman ditzake, Nafarroako Parlamentuak eskuordeturik. Aipatu 14/2004 Foru Legearen 54.2 artikuluan xedatutakoari jarraikiz, Nafarroako Gobernuaren xedapen horiei, aipatu legegintzarako eskuordetzearen ondorio direnean, “tributu harmonizaziorako legegintzako foru dekretu” izena emanen zaie.
Ingurumenaren arloko fiskalitate neurriak eta tributu eta finantza arloetako beste neurri batzuk ezartzen dituen urriaren 29ko 16/2013 Legeak zenbait garraiobideren gaineko zerga berezia aldatu zuen, salbuespenerako kasu batzuei dagokienez. Zehazki, arau berria ezartzen du zerga salbuesteari dagokionez jostetarako edo kirolerako itsasontzien lehen matrikulazioan edo, kasua denean, zirkulazioan edo erabileran, baldin eta enpresek alokairuko jardueretarako baizik erabiltzen ez badituzte, haien eslora edozein delarik ere.
Estatuaren 2014ko Aurrekontu Orokorrei buruzko abenduaren 23ko 22/2013 Legeak, berriz, aldaketa batzuk egin zituen zenbait garraiobideren gaineko zergan, barne araudia hobeki egokitzeko Europar Batasuneko arau-antolamenduari.
Aldaketa horiek direla eta, beharrezkoa da, lehen aipatutako legegintzarako eskuordetzea erabiliz, tributu harmonizaziorako legegintzako foru dekretu baten bidez Zerga Bereziei buruzko abenduaren 30eko 20/1992 Foru Legea aldatzeko behar diren arauak ematea, abenduaren 3ko 14/2004 Foru Legearen 54.1 artikuluarekin bat, Estatuarekin sinatutako Hitzarmen Ekonomikoaren 35. artikuluaren arabera Nafarroako Foru Komunitateak Estatuko lurraldean indarra duten arau berdin-berdinak –bai funtsari bai formari dagokionez– aplikatu behar dituen alderdietarako.
Berariaz xedatu da 20/1992 Foru Legean egindako aldaketek zer egunetatik aurrera izanen duten eragina; 14/2004 Foru Legearen 54.4 artikuluaren arabera, atzerako eragina izaten ahalko dute, harmonizazioaren xedeko araubide erkideko arauekin batera indarra har dezaten.
Horiek horrela, Nafarroako Gobernuak, Ekonomia, Ogasun, Industria eta Enpleguko kontseilariak proposaturik, eta bi mila eta hamalauko otsailaren hamabian egindako bilkuran hartutako erabakiarekin bat,
DEKRETATU DUT:
...Para continuar leyendo
Solicita tu prueba