174/2008 FORU AGINDUA, azaroaren 25ekoa, 'Vianako Printzea' Erakundea-Kultura eta Turismoko kontseilariak emana, Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legearen esparruan, inbertsioak finantzatzeko kreditu-eragiketei abalorde moduko laguntzak emateko deialdia onesten duena.
| Sección | I. Nafarroako Foru Komunitatea |
Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legeak, II. kapituluan, baimena ematen dio Nafarroako Gobernuari 30.000.000 euro bitarteko abalak emateko, Nafarroako Ogasun Publikoari buruzko apirilaren 4ko 13/2007 Foru Legearen 75. artikuluan ezarritakoaren babesean, jarduera ekonomikoaren sektore jakin batzuetako inbertsioak finantzatzen laguntzeko.
Batzordearen 1998/2006 EE Erregelamenduak, Itunaren 87. eta 88. artikuluetan ezarritakoa "de minimis" laguntzei aplikatzeari buruzkoak, baimena ematen du haren babesean enpresei berme moduko laguntzak emateko.
Nafarroako Gobernuak, 2008ko azaroaren 24ko Erabakiaren bidez, laguntza hauek banakako ebaluazioko araubidean emateko baimena eman du, Diru-laguntzei buruzko azaroaren 9ko 11/2005 Foru Legearen 17. artikuluan ezarritakoarekin bat. Gainera, Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legearen 6.d) artikuluan ezarritakoarekin bat, erabaki du zein diren, Nafarroako ekonomiarentzat duten interes berezia dela-eta, laguntza hauez balia daitezkeen proiektuak.
Ekonomia eta Ogasun kontseilariak, azaroaren 24ko 205/2008 Foru Aginduaren bidez, berme horiek emateko prozedura eta kudeaketa alderdiak finkatu ditu, Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legearen 10. artikuluan ezarritakoarekin bat.
Nafarroako Gobernuak, 2008ko azaroaren 24ko bilkuran, erabaki du "Sociedad Navarra de Garantía Reciproca" ("SONAGAR") entitate laguntzaile izendatzea, Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legearen 10. artikuluan aipatzen diren ondorioetarako, eta entitate horrekin izenpetu beharreko lankidetza hitzarmena onetsi du.
Aurreko guztiarekin eta Diru-laguntzei buruzko azaroaren 9ko 11/2005 Foru Legean ezarritakoarekin bat, bidezkoa da inbertsioak finantzatzeko kreditu-eragiketei abal moduko laguntzak emateko oinarri arautzaileak ezartzea.
Horrenbestez, Vianako Printzea Erakundea-Kultura eta Turismo Departamentuaren egitura organikoa ezartzen duen irailaren 3ko 126/2007 Foru Dekretuaren 2.2) artikuluak ematen dizkidan eskudantziak erabiliz,
AGINDU DUT:
-
Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legearen esparruan inbertsioak finantzatzeko kreditu-eragiketei abalorde moduko laguntzak emateko deialdiaren oinarri arautzaileak onestea. Oinarri horiek foru agindu honen eranskinean agertzen dira.
-
Foru...
Para continuar leyendo
Solicita tu prueba