24/1997 FORU LEGEA, abenduaren 30ekoa, Toki Ogasunek
Sección | I. Nafarroako Foru Komunitatea |
NAFARROAKO GOBERNUKO LEHENDAKARIA NAIZEN HONEK
Aditzera ematen dut Nafarroako Parlamentuak honako hau
onetsi duela:
TOKI AZPIEGITUREN ALORREKO 1997-1999 PLAN BEREZIARI
BURUZKO FORU LEGEA
ZIOEN AZALPENA
Nafarroako Toki Administrazioari buruzko uztailaren 2ko
6/1990 Foru Legeak, 61. artikuluan, xedatzen du,
Nafarroako Gobernuak, horretarako gaitzen duen Foru
Legearen barruan, inbertsio planak ezarriko dituela udal
entitateekin lankidetza ekonomikorako tresna gisa. Haien
helburu nagusia Foru Komunitate osoko nahitaezko udal
zerbitzuen estaldura bermatzea izanen da.
Hori betetzeko asmoz, arau batzuk onetsi dira. Horien
artean, 1997/1999rako Toki Azpiegituren Hirurteko Planari
buruzko apirilaren 2ko 3/1996 Foru Legea onetsi berri da.
Hori garatzen eta betearazten ari da gaur egun.
Tresna horiek posible egin dute kontsignaturiko kapital
transferentziak objektiboki banatzea, baina aurrekontuetan
eskuragarri zeuden diru-kopuruek eskatzen ziren inbertsio
guztiak burutzea ez dute lortu. Planak burutzean nabarmena
izan da, kokaguneagatik edo jende gutxi edo sakabanaturik
edukitzeagatik, eskualde batzuen zailtasunak areagotu egin
direla, haien inbertsioak Hirurteko Planetan ezin baitira
sartu izan, beste herri batzuetan lehentasunezko obrak
zeudelako edo finantza egoera larrian zeudelako.
Inbertsioetarako diru-kopuruak zentzuz gehitzeak ez luke
derrigorrez egoera konponduko.
Interesgarria da adieraztea bere garrantziagatik 1997-1999rako Toki
apirilaren 2ko 3/1996 Foru Legean aurreikusiriko Goi
Presioko Ur Hornidurarako Plan Zuzentzailea. Haren
finantzaketa arruntak, kapital transferentzien bidez,
inbertsio guztiaren kostuaren ehuneko 90 egiten du.
Partaidetza portzentaia oso handia bada ere, gure
herrialdeko puntu batzuetan defizita dago azpiegitura mota
horretan, besteak beste, ukituriko toki entitate batzuk ez
zaizkiolako atxikitzen, dagokien finantzaketa beren gain
hartzerik ez dutelako, ez eta arau horretan aurreikusten
den aparteko finantzaketa sistemak behartzen dituen
neurriak ezartzerik ere ez.
Bestaldetik, toki programazioko inbertsioei dagokienez,
toki entitate guztiek aurkezten dituzten eskabideak
hautatu eta haien artean lehentasunak ezartzeko formulak
posible egiten du egiaztatzea epe laburrean beharrezkoa
den obrarik ba ote dagoen, horixe baita lehentasunik
handiena entitate bakoitzeko azpiegituren banan-banako
defizitaren kontzeptuaren arabera. Horiek, hala ere, ez
dira kasuan kasuko inbertsio planean sartzen, aplikaturiko
gainerako aldagaiek, hala nola, bizilagun bakoitzeko
inbertsioaren errentagarritasunak, hautatua izateko eta
lehentasuna ezartzeko koefizientea dexente gutxitzen
baitute.
Nafarroako Toki Administrazioari buruzko uztailaren 2ko
6/1990 Foru Legeko 34. artikuluak xedatzen du Foru
Komunitateko ekintza publikoko sektore bakoitza arautzen
duten legeek udal batzuetarako araubide bereziak ezartzen
ahalko dituztela, beren kokagune, jarduera nagusi, ondare
historiko edo beste edozein ezaugarrirengatik komeni bada
antolamenduan edo finantzaketa sisteman tratamendu
bereiztua ematea.
Izaniko esperientzia kontuan harturik, oinarrizko
azpiegitura horiek finantzatzeko eta hautatu eta
lehentasunak ezartzeko irizpideek egokitu egin behar dute,
berdinak direnak elkarrekin lehiatzea posible egiten duen
sistema bat ezarririk.
Nafarroako lurraldearen antolamenduari eta hiri
sistemari buruzko azterketetatik ateratzen ahal da
badaudela udalerri batzuk gizarte eta ekonomi garapen
txikiagoa dutenak. Galera demografiko larria, jendetzaren
zahartzea, atzeratuago dagoen ekoizpen azpiegitura,
garapen ekonomikoaren eta dotazioen maila apala dira haien
ezaugarriak, beste aldagai adierazgarri batzuen artean.
Kontzeptu horiek parametrotzat harturik,
azpiegituretarako finantza-tratamenduari dagokionez,
Nafarroako eskualderik behartsuenen sailean sar litezkeen
toki entitateen zerrenda bat egiten da. Haiexei egiten die
kasu Foru Lege honek.
Oinarrizko azpiegituren dotazioa sustatzeko nahiak ez
du ahanztarazi behar baliabideak ahalik eta gehien erabili
behar direla. Hori horrela, lortu nahi diren
eraginkortasun eta ekonomia erdiesteko, jarduketa batzuk
toki entitateen borondatezko elkarteak osatuz burutu behar
dira.
Kasu horietan tratamendu bereiztua ezartzeko arauzko
tresna...
Para continuar leyendo
Solicita tu prueba