STSJ Galicia 339/2022, 4 de Octubre de 2022
| Jurisdicción | España |
| Fecha | 04 Octubre 2022 |
| Número de resolución | 339/2022 |
T.S.X.GALICIA CON/AD SEC.3
A CORUÑA
SENTENCIA: 00339/2022
PONENTE: D. LUIS VILLARES NAVEIRA
RECURSO: PROCEDIMIENTO ORDINARIO 7231/2021
RECURRENTE: Carmela
Procurador:SANDRA MIGUEZ FUENTES
Letrado: BENITO ESCUDERO DE LA FUENTE
ADMINISTRACION DEMANDADA: XURADO DE EXPROPIACION DE GALICIA
Procurador:
Letrado: ABOGACIA DE LA COMUNIDAD
A Sección 003 da Sala do Contencioso-Administrativo do Tribunal Superior de Xustiza de Galicia pronunciou a
SENTENZA
Presidente:
Francisco Javier Cambón García
Maxistrados :
Juan Carlos Fernández López
Luís Villares Naveira (Relator)
A Coruña, 4 de outubro de 2022.
ANTECEDENTES DE FEITO
Actividade administrativa impugnada. Posicións das partes.
A parte recorrente presenta unha demanda ante a Sala, que é aquendada a esta Sección, sendo designado Maxistrado Relator Luís Villares Naveira.
A demandante impugna a resolución ditada polo Xurado de Expropiación de Galicia notificada o 10/3/2021, polo que se rexeita en reposición o recurso contra a fixación definitiva do prezo xusto no expediente nº NUM000, correspondente á leira n. 61-0.
Os argumentos en que se fundamenta o escrito da parte demandante son os seguintes: o solo correspondente á parcela expropiada ten a clasificación urbanística de solo urbano, e polo tanto ten que ser valorada no
proceso expropiatorio conforme con esta categoría, e non como solo rural como fixo o XEG, porque conta con todos os servizos para ser cualificada como SUC, ademais, ha de considerarse que o conxunto de leiras expropiadas constitúen unha soa unidade de mercado, aínda que non estean agrupadas catastralmente. Foi pagado o IBI como parcela urbana co que tamén se infrinxe a Lei de Catastro Inmobiliario
A demandada oponse ás pretensións actoras polos seguintes motivos: A parcela obxecto de expropiación ten a clasificación urbanística de solo urbano non consolidado, e polo tanto debe ser valorada como solo en situación de rural, polo que a operación valoratoria do XEG é conforme a dereito.
Tramitación procesual. Proba practicada e contía do procedemento.
Admitida a trámite a demanda e deducida polos trámites do procedemento ordinario, foi practicada a documental que obra en autos, así como a pericial xudicial de Paulino .
A contía do procedemento fixouse en 1625,45 €.
Feitos probados.
Resultou probado neste procedemento que: a parcela obxecto de expropiación deste procedemento no Proxecto 01882 Mellora da seguridade viaria na contorna do TCAs na Estrada PO 308 PK 8,7 a 12,7 Clave PO 17/144.06 TM Poio e Sanxenxo ten a clasificación urbanística no PXOM de Poio aprobado definitivamente o 28/10/2000 como solo urbano e cualificada como Ordenanza 5, espazo libre e vial.
FUNDAMENTOS DE DEREITO
Clasificación e cualificación urbanística da parcela obxecto do recurso.
-
Determinación da cuestión litixiosa. O estado fáctico do solo para os efectos valoratorios. Presunción de acerto do XEG e carga da proba.
Sostén a demandante que a parcela está indebidamente clasificada como solo rústico no expediente expropiatorio, porque en realidade, ao ter a consideración de solo urbano no planeamento, debe ser valorada polo XEG conforme con esa natureza. Sostén que reúne os requisitos para ser cualificado como consolidado. Fronte isto, a administración obxecta que so se tratar de solo urbano non consolidado ten que ser valorado como rural.
Existe unha discrepancia entre as partes a respecto de se o solo da parcela se atopa na situación de urbano para os efectos da valoración expropiatoria. Dado que as partes non discuten que a clasificación urbanística do PXOM do ano 2000 é a de solo urbano, resulta imprescindible determinar se a cualificación do solo debe ser a de consolidado ou non consolidado, pois iso determinará o seu estado fáctico para os efectos valorativos, que é o que impón a Lei.
En efecto, o Real Decreto Lexislativo 7/2015, do 30 de outubro, polo que se aproba o texto refundido da Lei de solo e Rehabilitación Urbana (TRLSRU) indica:
Artigo 21. Situacións básicas do solo.
1. Todo o solo atópase, para os efectos desta lei, nunha das situacións básicas de solo rural ou de solo urbanizado.
2. Está na situación de solo rural:
b) O solo para o que os instrumentos de ordenación territorial e urbanística prevexan ou permitan o seu paso á situación de solo urbanizado, ata que termine a correspondente actuación de urbanización, e calquera outro que non reúna os requisitos a que se refire o apartado seguinte.
3. Atópase na situación de solo urbanizado o que, estando legalmente integrado nunha malla urbana conformada por unha rede de viais, dotacións e parcelas propia do núcleo ou asentamento de poboación do que forme parte, cumpra algunha das seguintes condicións:
b) Ter instaladas e operativas, conforme ao establecido na lexislación urbanística aplicable, as infraestruturas e os servizos necesarios, mediante a súa conexión en rede, para satisfacer a demanda dos usos e edificacións existentes ou previstos pola ordenación urbanística ou poder chegar a contar con eles sen outras obras que as de conexión coas instalacións preexistentes. O feito de que o solo sexa lindeiro con estradas de circunvalación ou con vías de comunicación interurbanas non comportará, en por si, a súa consideración como adoito urbanizado.
Pola súa banda, a DT 1ª da Lei do Solo de Galicia indica:
Disposición transitoria primeira. Réxime aplicable aos municipios con planeamento non adaptado e aos municipios sen planeamento.
2. O planeamento aprobado definitivamente con anterioridade á entrada en vigor desta lei e non adaptado á Lei 9/2002, do 30 de decembro, de ordenación urbanística e protección do medio rural de Galicia, conservará a súa vixencia ata a súa revisión ou adaptación a ela, consonte as seguintes regras:
a) Ao solo urbano que reúna as condicións establecidas no artigo 17.a) desta lei, aplicaráselle o disposto nela para o solo urbano consolidado.
Ao solo urbano que reúna as condicións establecidas no artigo 17.b) desta lei, aplicaráselle o disposto nela para o solo urbano non consolidado.
O artigo 17 LSG indica, dentro das categorías de solo urbano:
"Os plans xerais diferenciarán no solo urbano as seguintes categorías, sen prexuízo do disposto para os plans especiais no artigo 71.2:
-
Solo urbano consolidado, integrado polos terreos que reúnan a condición de soar ou que, polo seu grao de urbanización efectiva e asumida polo planeamento urbanístico, poidan adquirir a dita condición mediante obras accesorias e de escasa entidade que poidan executarse simultaneamente coas de edificación.
-
Solo urbano non consolidado, integrado pola restante...
-
Para continuar leyendo
Solicita tu prueba