SJPII nº 1 38/2015, 5 de Noviembre de 2015, de A Fonsagrada
Ponente | ELADIO PRIETO BELLAS |
Fecha de Resolución | 5 de Noviembre de 2015 |
ECLI | ES:JPII:2015:325 |
Número de Recurso | 93/2014 |
XDO. 1ª. INST. E INSTRUCIÓN N. 1
A FONSAGRADA
SENTENCIA: 00038/2015
RÚA PENELA S/N
Teléfono: 982889483/84
Fax: 982889482
N04390
N.I.G.: 27018 41 1 2014 0100141
ORD PROCEDIMIENTO ORDINARIO 0000093 /2014
Procedimiento origen: /
Sobre OTRAS MATERIAS
DEMANDANTE D/ña. Andrés
Procurador/a Sr/a. LUIS FELIPE RODRÍGUEZ FERNÁNDEZ
Abogado/a Sr/a.
DEMANDADO D/ña. BANCO SANTANDER SA
Procurador/a Sr/a. MARÍA SOLEDAD SIERRA VILLAVERDE
Abogado/a Sr/a.
SENTENZA
Xuiz que a dita: Eladio Prieto Bellas.
Lugar: A Fonsagrada.
Data: 5 de novembro de 2015.
Demandante: don Andrés .
Avogado: Sr. Arango Gómez.
Procurador: Sr. Rodríguez Fernández.
Demandado: Banco Santander SA.
Avogados: Sr. Fernández de Retana Gorostizagoiza e Sr. Carcavilla Barragán.
Procuradora: Sra. Sierra Villaverde.
Procedemento: Xuizo ordinario 93-14.
DE FEITO
PRIMEIRO.- A parte actora formulou demanda (folios 1 a 11) de acordo coas prescricións legais, na cal, logo de exposición de feitos e fundamentos de dereito, finalizou solicitando a súa estimación nos términos expresados nela, que aquí se dan por reproducidos, con expresa condena en custas á parte demandada.
SEGUNDO.- Admitida a trámite a demanda, acordouse o emprazamento da demandada, quen compareceu en tempo e forma, presentando escrito de contestación (folios 79 a 121) no que, logo de exposición de feitos e fundamentos de dereito, finalizou suplicando que se ditase sentenza desestimatoria da demanda, con imposición de custas á parte actora.
TERCEIRO.- Con posterioridade, convocouse ás partes á audiencia previa, prevista nos artigos 414 e seguintes da Lei de Axuizamento Civil , durante a cal non chegaron a un acordo, as partes ratificáronse nas súas respectivas posturas e foron resoltas as cuestións procesuais suscitadas. A continuación, propuxeron as probas que tiveron por adecuadas, sendo admitidas as pertinentes e útiles, sinalándose data para o xuizo, no que se practicaron as probas admitidas, co resultado recollido en soporte audiovisual, tras o cal quedaron os autos pendentes de ditar sentenza, unha vez que as partes formularon as súas conclusións.
PRIMEIRO.- O actor solicitou: 1) declaración de nulidade do contrato de adquisición de 10 Valores Santander, de data de 20 de setembro de 2007, subscrito por don Andrés con Banco Santander SA, condenando á demandada a estar e pasar por tal declaración; 2) condena de Banco Santander SA á devolución do importe entregado para a adquisición dos Valores Santander, por contía de 50000,00 euros, debendo don Andrés reintegrar as accións en que se converteron os Valores Santander e que lle foron entregadas pola demandada; 3) condena de Banco Santander SA ao pago dos xuros legalmente previstos, desde o momento da súa contratación, da cantidade investida na adquisición dos Valores Santander, deducindo da mencionada cantidade os xuros xa percibidos por don Andrés e os seus xuros legais desde a percepción deles ata o día da compensación; 4) condena da entidade demandada ao pagamento das custas procesuais.
A demandada solicitou (folio 120) a desestimación da demanda con imposición de custas ao actor.
O demandante estableceu, como fundamentos das súas pretensións: 1) o 20 de setembro de 2007, don Andrés subscribiu un contrato de adquisición de Valores Santander, por importe de 50000 euros, correspondentes a 10 valores; 2) a información que lle foi ofrecida pola Entidade demandada sobre a operación concertada foi a de que se trataba da compra dun produto a prazo fixo, con xuros garantidos, liquidez case inmediata e co principal garantido; 3) entregóuselle, xunto co contrato de adquisición, un díptico por fotocopia, no que se resaltaban, sen corresponderse coa realidade, características básicas e a oportunidade da emisión; 4) don Andrés carece da formación necesaria para moverse no mundo financeiro; 5) existiu incumprimento do deber de información por parte da demandada.
Banco Santander SA, na súa contestación á demanda, estableceu, como fundamentos da súa oposición: 1) Banco Santander SA proporcionou información adecuada a don Andrés ; 2) non existiu vicio de consentimento; 3) logo da data do contrato, o demandante foi facendo seus os rendementos correspondentes aos Valores Santander, sen formular protesta; 4) en xullo de 2012 o actor solicitou a conversión anticipada en accións; 5) sen culpa de Banco Santander, descendeu a cotización das accións de Banco Santander pero iso non xustifica a pretensión do actor; 6) o demandante realizou investimentos, antes ou despois do contrato, en participacións preferentes, fondos de investimento, accións cotizadas; 7) nos meses de xuño e xullo de 2007, o consorcio bancario formado por Banco Santander, Royal Bank of Scotland e Fortis lanzou unha oferta pública de adquisición sobre a totalidade das accións da entidade financeira ABN AMRO e, para financiar esta operación, Banco Santander emitiu os Valores Santander o 4 de outubro de 2007; 8) dado que esta emisión vinculábase á operación descrita, a súa evolución posterior quedaba igualmente ligada ao resultado desa operación; 9) se o consorcio no que participaba Banco Santander non adquiría ABN AMRO, os valores emitidos amortizaríanse o 4 de outubro de 2008, devolvendóse aos investidores o principal investido máis uns xuros fixos do 7,30 %; 10) se, pola contra, se procedia á adquisición de ABN AMRO polo citado consorcio (como así sucedeu) entón, os valores emitidos converteríanse en obrigacións necesariamente convertibles en accións do Banco Santander; 11) os valores converteríanse nun título de débeda privada (obrigacións) rendendo uns xuros anuais (7,30 % o primeiro año e Euribor máis 2,75 % nos anos sucesivos, pagadeiro sempre trimestralmente) ata a súa necesaria conversión en accións do Banco; 12) esta conversión podería efectuarse, ou ben, anualmente (cada año a partir de outubro de 2007) voluntariamente e a iniciativa do investidor, ou ben, obrigatoriamente, transcorridos cinco anos desde a emisión do produto, sempre a un valor ou prezo de conversión determinado de inicio; 13) a operación ABN AMRO culminouse con éxito, polo que os títulos emitidos por Banco Santander convertéronse en obrigacións necesariamente convertibles en accións de Banco Santander (segundo a segunda das opcións expostas); 14) o prezo de referencia para o troco dos valores en accións estaba predeterminado, é dicir, fixado xa en outubro de 2007; 15) así se indicaba con claridade no tríptico rexistrado ante a Comisión Nacional do Mercado de Valores, no que se expresaba que para a conversión, a acción Santander sería valorada ao 116% da súa cotización cando se emitisen as obrigacións convertibles; 16) inmediatamente logo da emisión, en outubro de 2007, Banco Santander remitiu unha carta a todos os demandantes de Valores Santander na que se concretaba ese prezo de referencia; 17) expresábase que o prezo de referencia das accións do Banco, a efectos de conversión, quedaba fixado en 16,04 euros por acción; 18) esta mesma comunicación deu lugar a un feito relevante, publicado para xeral coñecemento na páxina web da Comisión Nacional do Mercado de Valores; 19) deste modo, con independencia da posterior evolución da acción do Banco Santander no mercado, o cliente sempre recibiría un número xa determinado de accións; 20) como é lóxico, o éxito (e risco) do investimento dependería do valor desas accións no momento da conversión; 21) se no momento do troco a cotización da acción de Banco Santander fose superior a eses 16,04 euros, ou o importe equivalente en caso de ampliacións de capital posteriores, os clientes adquirirían accións por un prezo máis barato que o de mercado nese momento; 22) en caso contrario, se o valor da acción fose inferior ao prezo de referencia, os demandantes adquirirían accións a un prezo superior ao de cotización nesa data; 23) a Xunta Xeral de Accionistas fixou no seu acordo un prezo de conversión un 16% superior ao prezo de mercado para evitar un efecto dilutivo desa emisión sobre os demais accionistas; 24) como é sabido, cando unha sociedade aumenta capital increméntase o número de accións en circulación, o que provoca unha disminución do valor (dilución) de cada título; 25) este efecto evítase, incorporando ao prezo de suscrición, unha prima que evite o prexuizo aos accionistas que o son no momento de acordarse o aumento e que, para este caso, quedou fixada no 16% cun prezo de referencia, xa que logo de 16,04 euros por acción; 26) ese prezo de conversión era máis que razoable e atractivo en outubro de 2007, cando ninguén podía imaxinar a magnitude da crise e abrupta caída na cotización da acción de Banco Santander; 27) o Banco tamén previu un mecanismo antidilución para os titulares de Valores Santander, de forma que o prezo de referencia a efectos de conversión, inicialmente fixado en 16,04 euros, veu sendo minorado como consecuencia das sucesivas ampliacións de capital de Banco Santander; 28) esa disminución do prezo provoca que a relación de conversión sexa máis beneficiosa para o cliente que os 16,04 euros iniciais, recibindo máis accións por cada valor que os previstos no momento da emisión; 29) as modificacións no prezo de referencia fixéronse públicas mediante comunicacións á Comisión Nacional do Mercado de Valores durante os últimos anos, mediante os correspondentes feitos relevantes; 30) o prezo de referencia definitivo, ao que se cambiaron os valores o pasado 4 de outubro de 2012, foi de 12,96 euros, tal e como se comúnicou á Comisión Nacional do Mercado de Valores o pasado 30 de Xullo de 2012; 31) xa que logo, os Valores Santander eran un produto económicamente similar á compra de accións pero que retribuía, ademais, cuns xuros fixos ata que se producise a conversión en accións; 32) en todo caso, a esencia final do negocio era a adquisición de accións e, con iso, o investidor estaba asumindo un risco de volatilidade, por máis que ese risco fose atenuado polos importantes...
Para continuar leyendo
Solicita tu prueba