193E/2022 FORU AGINDUA, abuztuaren 31koa, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, behin betiko onesten duena Ezkarozeko Udal Plan Orokorraren aldaketa egituratzaile bat. Aldaketak 2. poligonoko 140. lurzatiari eragiten dio, eta Andrés María Hualde Udik sustatu du.
| Sección | I. Nafarroako Foru Komunitatea |
184. ALDIZKARIA - 2022ko irailaren 15a 1. NAFARROAKO FORU KOMUNITATEA 1.3. LURRALDEAREN ANTOLAMENDUA ETA HIRIGINTZA 193E/2022 FORU AGINDUA, abuztuaren 31koa, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, behin betiko onesten duena Ezkarozeko Udal Plan Orokorraren aldaketa egituratzaile bat. Aldaketak 2. poligonoko 140. lurzatiari eragiten dio, eta Andrés María Hualde Udik sustatu du. Ezkarozeko Udalak idazpuruan azaltzen den espedientea aurkeztu du Lurralde Antolamenduko, Etxebizitzako, Paisaiako eta Proiektu Estrategikoetako Departamentuan, behin betiko onets dadin.
Espedientearen xedea da 2. poligonoko 140A azpilurzatiak duen lurzoru urbanizaezinaren azpikategoria aldatzea, hots, ingurumen balioagatik gorde beharreko lurzoru urbanizaezina izatetik (gorde beharreko ingurumen balioa duten zuhaitz-formazioak) natura aldetik ustiatzeko balioa duen lurzoru urbanizaezina izatera igarotzeko.
Behin betiko onesten den espedientean jasota dago abeltegi izateko eraikinetako akabera-materialei buruzko eraikuntza-baldintzen aldaketa xehatua udal mugarte osorako.
Ingurumeneko zuzendari nagusiaren martxoaren 23ko 256E/2021 Ebazpenaren bidez, ingurumen txosten estrategikoa egin zen, aldekoa, Ezkarozeko Udal Planaren 2. poligonoko 140. lurzatiaren aldaketa egituratzaileari buruz, ingurumen ondorio nabarmenik ez duela iritzita (aldaketa hori Andrés María Hualde Udik sustatu zuen). Dena dela, lurzati osoan (lehendik dauden ezpondetan, bideetan...) ingurumen- eta paisaia-integrazioko neurriak aplika daitezela eskatu zen, lurzati horretan garatzen den edozein eraikuntza-jardueratan.
Ebazpen hori 2021eko 91. Nafarroako Aldizkari Ofizialean argitaratu zen, apirilaren 22koan.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Adierazitakoarekin bat, eta Lurralde Antolamenduko, Etxebizitzako, Paisaiako eta Proiektu Estrategikoetako Departamentuaren egitura organikoa ezartzen duen urriaren 30eko 262/2019 Foru Dekretuari jarraikiz,
AGINTZEN DUT:
1. Behin betiko onestea Ezkarozeko Udal Plan Orokorraren aldaketa egituratzailea, 2. poligonoko 140. lurzatiari eragiten diona, Andres María Hualde Udik sustatua.
2...
Para continuar leyendo
Solicita tu prueba