STSJ Galicia 555/2015, 15 de Julio de 2015
| Ponente | LUIS VILLARES NAVEIRA |
| ECLI | ES:TSJGAL:2015:5424 |
| Número de Recurso | 7797/2010 |
| Procedimiento | PROCEDIMIENTO ORDINARIO |
| Número de Resolución | 555/2015 |
| Fecha de Resolución | 15 de Julio de 2015 |
| Emisor | Sala de lo Contencioso |
T.S.X.GALICIA CON/AD SEC.3
A CORUÑA
SENTENCIA: 00555/2015
TRIBUNAL SUPERIOR DE XUSTIZA DE GALICIA
SALA DO CONTENCIOSO ADMINISTRATIVO
SECCIÓN TERCEIRA
Praza de Galicia, S/N CP 15071 A CORUÑA
Tel. 981 185796
Procedemento: PROCEDEMENTO ORDINARIO 7797/2010
Sobre:
Parte demandante: FINCA PISCO S.C.
Letrado/a: PAULO LOPEZ PORTO
procurador/a: GABRIEL ARAMBILLET PALACIO
Parte demandada: DIRECCION XERAL DE INDUSTRIA, ENERXIA E MINAS
Letrado/a: LETRADO DE LA XUNTA DE GALICIA
Procurador/a:
Data: 15 de xullo de 2015
SENTENZA
Ilmo Sr. Presidente:
Julio Cibeira Yebra Pimentel
Ilmos.Sres.Magistrados :
Blanca María Fernandez Conde
Luís Villares Naveira (Relator)
ANTECEDENTES DE FEITO
Actividade administrativa impugnada. Posicións das partes.
A parte recorrente presenta unha demanda ante a Sala, que é aquendada a esta Sección, sendo designado Maxistrado Relator Luís Villares Naveira.
A demandante impugna a desestimación por silencio administrativo do recurso de alzada interposto contra a resolución da Dirección Xeral de Industria, enerxía e minas de data 3/2/2010 que solicitaba a inmediata inscrición definitiva de Finca Pisco S.C. no Rexistro de instalacións de produción en réxime especial con efectos do día 28/9/2008. O recurso contencioso foi ampliado á desestimación presunta por silencio do recurso de alzada interposto en data 15/4/2009 contra a desestimación presunta da solicitude de inscrición definitiva formulada en data 22/9/2008.
Os argumentos en que se fundamenta o escrito da parte demandante son os seguintes:
-
A desestimación presunta dun recurso de alzada contra un acto denegatorio por silencio administrativo debe producir o acollemento das pretensións, conforme co art. 42 LRXAP-PAC, e é o que sucedeu na petición de 17/11/2009;
-
Ante o conflito existente entre Unión Fenosa e o demandante, este solicitou a intervención prevista da Xunta no art. 4.5. RD 1663/2000 en data 5/10/2009 para que determinase de forma vinculante as condicións técnicas que as partes habían de respectar, que tamén está previsto na DA 20ª da Lei 54/1997, do Sector eléctrico. Posteriormente, ante a falta de cumprimento por Unión Fenosa o demandante pediu á Xunta (17/11/2009) que a entidade emitise informe e a súa inscrición definitiva no rexistro especial de produtores de enerxía. A xunta denegou a petición formulada de que Unión Fenosa emitise informe e de inscribir, por entender que se faltaba ese informe era porque a empresa consideraba que a demandante non cumpría cos compromisos asinados na xuntanza de mediación, cousa que non é certa, xa que o pactado fora outra cousa.
-
A xunta debe acoller a pretensión e inscribir á data de solicitude, por cumprírense os requisitos legais e resolver fóra de prazo;
-
Tecnicamente, non existe motivo para que Unión Fenosa non emitise informe, xa que o sistema técnico instalado é adecuado segundo a normativa sectorial, tal como asevera o art. 12 do RD 1663/2000, xa que se permite calquera que faga as funcións de inversión, aínda que non posúa separación galvánica.
-
Ademais, a entidade xestora da rede só dispuña dun mes para denegar a o acceso á rede, como di o art. 6.4. RD 1663/2000, transcorrido o cal o interesado podería conectarse á rede.
-
Finalmente, amplíase o recurso contencioso ao silencio desestimatorio do recurso de alzada formulado en data 15/4/2009 contra a solicitude inicial de data 22/9/2008 de inscrición definitiva no Rexistro de produtores de enerxía en réxime especial.
A demandada oponse ás pretensións actoras polos seguintes motivos:
-
A Xunta non pode suplir a ausencia de informe técnico de Unión Fenosa, quen por outra parte confirmou en 2009 que o interesado non cumpría cos requisitos regulamentarios para conectarse á rede;
-
É certo que se produciu unha xuntanza a instancias do demandante para dirimir as discrepancias técnicas, onde este se comprometeu a instalar un inversor con separación galvánica cando fose requirido ao efecto;
-
Non se pode outorgar unha inscrición así por falta e informe e menos aínda con carácter retroactivo,
dado que no momento da solicitude non se cumpría coas condicións técnicas esixibles.
Tramitación procesual. Proba practicada e contía do procedemento.
Admitida a trámite a demanda e deducida polos trámites do procedemento ordinario, ten lugar a vista do xuízo o día 28/3/2014, na que se practica como proba testemuñal de Argimiro, Baltasar, testemuñal pericial de Borja, a pericial de Cipriano e máis a documental que obra en autos.
A contía do procedemento fixouse en indeterminada.
Feitos probados.
Resultou probado neste procedemento que:
- o contido do acto administrativo que a administración autonómica emitiu ao abeiro dos arts. 4.5 . e 5.3. do RD 1663/2000, como consecuencia da xuntanza mantida con Unión Fenosa e o representante de Finca Pisco S.C., e que a administración non documentou por escrito, foi o de que a instalación do transformador de illamento realizaríase no momento en que fose requirido nas mesmas condicións aos que en igual situación estivesen en Galicia;
- A instalación fotovoltaica executada na explotación agraria de Finca Pisco S.C. estaba rematada en data 2/9/2008 e cumpría con todas as esixencias normativas do sector naquel momento, sen que fose esixible o inversor pretendido pola compañía Unión Fenosa, podendo ser empregado calquera outro que cumprise as súas funcións.
FUNDAMENTOS DE DEREITO
Sobre o dobre silencio administrativo da Dirección Xeral de Industria, enerxía e minas en relación á solicitude de 22/9/2008 e o recurso de alzada de 15/4/2009.
O primeiro motivo impugnatorio presentado polo demandante descansa na existencia dun dobre silencio administrativo, que entende debe ter a consideración xurídica de positivo, por consecuencia do art. 43.1. parágrafo 2 da LRXAP-PAC (aínda que erra na invocación do precepto aplicable postulando o art. 36.4. e o 42 obviando precisamente o art. 43), en relación á solicitude cursada en data 22/9/2008 que solicitaba a inscrición definitiva de Finca Pisco S.C. no Rexistro de instalacións de produción en réxime especial. Segundo o demandante, ante a falta de resolución en prazo, interpuxo recurso de alzada en data 15/4/2009, que tampouco foi contestada, o que orixinaría a adquisición do dereito por silencio.
A cuestión, sobre a que a demandada só se pronuncia indicando que non procede recoñecer o dereito por falta de informe positivo de Unión Fenosa, debe ser resolta positivamente para o demandante.
En primeiro lugar, deberamos preguntarnos se directamente a falta de resolución en prazo non debera carrexar o silencio positivo pola vía do inciso primeiro do art. 43.1. LRXAP-PAC. O demandante non fai alegación ningunha neste sentido, que sería o máis lóxico. Así e todo, a Lei galega 6/2001 que establece unha listaxe de procedementos cuxo silencio ten carácter negativo, entre os que se atopa o procedemento de recoñecemento de instalación acollida ao réxime especial de produción eléctrica derivado do RD 2818/1998, que desenvolve a Lei 54/1997 neste punto. Este RD foi derrogado polo RD 436/2004, que á súa vez foi derrogado polo RD 661/2007, no que o demandante basea a súa petición. De todos modos, esta derrogación non resta vixencia ao sentido do silencio, xa que calquera dos procedementos derivados da Lei 54/1997 teñen, a falta de resolución expresa, sentido negativo, como declara a súa Disposición adicional terceira : " Efectos da falta de resolución expresa. As solicitudes de resolucións administrativas que deban ditarse conforme ao disposto na presente Lei e á lexislación específica en materia nuclear poderanse entender desestimadas, si non recae resolución expresa no prazo que ao efecto se estableza nas súas disposicións de desenvolvemento ".
En consecuencia, producido o silencio negativo, entra en vigor o contido do art. 43.1. parágrafo 2 que indica que: " Non obstante, cando o recurso de alzada se interpoña contra a desestimación por silencio administrativo dunha solicitude polo transcurso do prazo, entenderase estimado este se, chegado o prazo de resolución, o órgano administrativo competente non ditase unha resolución expresa sobre este.".
Que estamos perante un verdadeiro recurso de alzada é algo aceptado pola propia administración no expediente, xa que o tramitou como tal, dando traslado a Unión Fenosa e máis aos enxeñeiros da Consellaría para emisión de informe (ff. 95 a 97 do Tomo II).
A simple falta de informe...
Para continuar leyendo
Solicita tu prueba
-
STS 441/2018, 19 de Marzo de 2018
...por la Sección Tercera de la Sala de lo Contencioso-Administrativo del Tribunal Superior de Justicia de Galicia en su recurso número 7797/2010 , sobre inscripción en Registro de instalaciones de Producción en Régimen Especial. Ha sido parte recurrida "Finca Pisco S.C.", representada por el ......
-
ATS, 14 de Abril de 2016
...2015, dictada por la Sala de lo Contencioso-Administrativo (Sección Tercera) del Tribunal Superior de Justicia de Galicia en el recurso nº 7797/2010 , sobre inscripción en Registro de Instalaciones de Producción en Régimen SEGUNDO .- Por providencia de fecha 18 de enero de 2016 se dio trasl......